რუსთავის ციხესთან, სადაც მიხეილ სააკაშვილი იმყოფება, „ნაციონალური მოძრაობის“ წევრები და მხარდამჭერები არიან შეკრებილი

რუსთავის N12 პენიტენციურ დაწესებულებასთან, სადაც საქართველოს მესამე პრეზიდენტი, მიხეილ სააკაშვილი იმყოფება, „ნაციონალური მოძრაობის მხარდამჭერები“ არიან შეკრებილი.

ადგილზე ასევე მივიდნენ „ნაციონალური მოძრაობის“ წევრები, კერძოდ, პარტიის ერთ-ერთი ლიდერი თინათინ ბოკუჩავა და პარტიის წევრი გიორგი ჩალაძე. პენიტენციურ დაწესებულებასთან იმყოფება დეპუტატი თაკო ჩარკვიანიც.

რამდენიმე საათის წინ პენიტენციურ დაწესებულებაში საქართველოს ყოფილი პრეზიდენტის მოსანახულებლად სახალხო დამცველმა ნინო ლომჯარია შევიდა.

ყოფილ პრეზიდენტთან შესახვედრად მივიდა „მთავარი არხის“ გენერალური დირექტორი ნიკა გვარამიაც.

როგორც მან სასჯელაღსრულების დაწესებულებასთან ჟურნალისტებს განუცხადა, სააკაშვილთან, როგორც მის უფლებადამცველს სურს შესვლა და ხელისუფლებას მოუწოდებს, რომ შეუშვან.

„მე აქ მოვედი მიხეილ სააკაშვილის ინტერესების დასაცავად, ასევე ჩემი მეგობრის სანახავად, რა თქმა უნდა, როგორც ადვოკატი. მიუხედავად იმისა, რომ ფორმალური საფუძვლები არსებობს, რომ ჩვენ შესვლა შეგვიფერხონ, ვთხოვ, საქართველოს ხელისუფლებას, შეფერხების გარეშე შემიშვან, ჩემი დაცვის ქვეშ მყოფთან, ჩემს მეგობართან და საქართველოს მესამე პრეზიდენტთან, რა დამოკიდებულებაც არ უნდა ჰქონდეთ მის მიმართ“,- განაცხადა ნიკა გვარამიამ.

ცნობისთვის, საქართველოს ყოფილი პრეზიდენტი მიხეილ სააკაშვილი დღეს დააკავეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024