სააკაშვილის დაკავებას ესტონეთის ყოფილი პრეზიდენტი ტომას ჰენდრიკ ილვესი გამოეხმაურა.

მან "ამერიკის ხმის” ქართულ რედაქციას განუცხადა, რომ "მსოფლიო, განსაკუთრებით ევროპა და შეერთებული შტატები, დიდი ყურადღებით დააკვირდება, ისარგებლებს თუ ვერა მიხეილ სააკაშვილი სამართლიანი მართლმსაჯულებით“.

„ქვეყნები, რომელთაც კანონის უზენაესობის თვალსაზრისით საეჭვო რეპუტაცია აქვთ, ყოფილ ლიდერებს დევნიან ხოლმე. გამონაკლისია შემთხვევები, როდესაც სერიოზული დარღვევის დამადასტურებელი ძალიან საფუძვლიანი მტკიცებულებები არსებობს", -აღნიშნა მან.

ილვესმა "ამერიკის ხმას" ასევე განუცხადა, რომ მნიშვნელოვანია "სააკაშვილის დაკავებამ არ უნდა გააჩინოს ეჭვები პოლიტიკური მოტივაციის არსებობაზე".