თენგიზ ცერცვაძის განცხადებით, კორონავირუსით ინფიცირებული პაციენტები მედიკამენტების - „პაქსლოვიდისა“ და „მოლნუპირავირის“ მიღებას ბინაზე მკურნალობის შემთხვევაშიც შეძლებენ

თბილისის ინფექციური საავადმყოფოს გენერალური დირექტორის თენგიზ ცერცვაძის განცხადებით, კორონავირუსით ინფიცირებული პაციენტები ორი მედიკამენტის - „პაქსლოვიდისა“ და „მოლნუპირავირის“ მიღებას ბინაზე მკურნალობის შემთხვევაშიც შეძლებენ.

როგორც ცერცვაძემ ჟურნალისტებს განუცხადა, ასევე განიხილავენ "რემდესივირის" გამოყენებას ბინაზე, თუმცა, საკითხი ჯერ საბოლოოდ გადაწყვეტილი არ არის.

„ორი ტაბლეტირებული მედიკამენტი - „პაქსლოვიდი“ და „მოლნუპირავირი“, რომელიც ჯერ არ გვაქვს, მაგრამ ერთ-ერთი პირველი იქნება საქართველო, რომელიც მათ მიიღებს, გამოყენებული იქნება მხოლოდ ბინაზე, დიაგნოზის დასმიდან 4 დღის განმავლობაში. ასევე განვიხილავთ მთავარი, დამრტყმელი მედიკამენტის - "რემდესივირის" ბინაზე გამოყენებასაც, რომელსაც ახლა მხოლოდ კლინიკაში ვიყენებთ. ოღონდ ეს ძნელი იქნება ტაბლეტირებულთან შედარებით, რადგან ინტრავენური გადასხმაა. „რემდესივირის“ გამოყენებაც განიხილება სამი დღის განმავლობაში“, - განაცხადა ცერცვაძემ.

რაც შეეხება მედიკამენტების რაოდენობას, როგორც თბილისის ინფექციური საავადმყოფოს ხელმძღვანელი აღნიშნავს, ამ ეტაპზე საქართველოს მხოლოდ 40 ათასი ფლაკონი "რემდესივირი" აქვს, რაც 7 ათასი პაციენტისთვისაა საკმარისი.

„ასევე, უკვე მიიღო სამინისტრომ "რემდესივირის" დამატებითი, ძალიან სერიოზული პარტიის შემოსატანად ზომები, რომელიც ყველა ავადმყოფისთვის "ომიკრონით" ინფიცირების შემთხვევაშიც საკმარისი იქნება.

"რემდესივირი" სხვა მედიკამენტებთან შედარებით იაფია, 9 დოლარად ვყიდულობთ ერთ კოლოფს. ერთ პაციენტს კი 6 კოლოფი სჭირდება. "მერკის" წამლის, "მოლნუპირავირის" ფასს, რომელსაც ასევე მივიღებთ, ვერ გეტყვით“, - განაცხადა ცერცვაძემ.

ამასთან, ცერცვაძის თქმით, პაქსლოვიდს“ საქართველო 2-3 კვირის ვადაში მიიღებს, ხოლო „მოლნუპირავირის“ უახლოეს კვირებში.

„ორივე მედიკამენტი მოქმედებს როგორც „დელტა“ შტამზე, „ასევე „ომიკრონზეც". ეს ყველაფერი გვაძლევს იმის საფუძველს, რომ „ომიკრონის“ მე-6 ტალღის უმკაცრეს გამოწვევას ღირსეულად შევხვდებით და შედარებით ნაკლები დანაკარგებით, ვიდრე ეს მსოფლიოს სხვა ქვეყნებში მოხდა“, - განაცხადა ცერცვაძემ.

მისივე განმარტებით, ტაბლეტირებულ მედიკამენტებს -„ფაიზერის“ ნაწარმს, „პაქსლოვიდს“ და „მერკის“ ნაწარმს - „მოლნუპირავირს“ პაციენტებს სახელმწიფო მიაწვდის, რადგან ისინი თავისუფალ გაყიდვაში მსოფლიოში არსად გამოდის და ძალიან დეფიციტურია.

„მათი განაწილების გადაწყვეტილება სამთავრობო დონეზე ხდება. საქართველო ამას ცენტრალიზებულად მიიღებს და თვითონ დაუნაწილებს სამინისტრო ყველა ონლაინკლინიკას და ყველა ოჯახის ექიმს. მათზე წვდომა ყველა ავადმყოფს ექნება, - განაცხადა ცერცვაძემ.

რაც შეეხება საფრთხეებს "ომიკრონის" შემთხვევაში, როგორც ცერცვაძე ამბობს, ეს კლინიკური და ამბულატორიული სექტორის გადატვირთვაა.

„თუ ჩვენ „ომიკრონით“ ინფიცირებული 30 ათასი ავადმყოფი გვეყოლება, გასაგებია, რომ ჰოსპიტლები მაინც გადაიტვირთება, ვიდრე დღეს გვაქვს. ამიტომ არნახული, უპრეცედენტო ზომებია მიღებული ონლაინკლინიკების, ოჯახის ექიმების და ჰოსპიტალური სექტორის გასაძლიერებლად“, - განაცხადა ცერცვაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!