„ქართული ოცნება“ მოძალადეების პარტიად ჩამოყალიბდა - „ქართული ოცნება“ ახლა აგონიაშია, რადგან მათი მხარდამჭერების რაოდენობა განახევრებულია, - ეს განცხადება დღეს პარლამენტში ოპოზიციონერმა დეპუტატმა სალომე სამადაშვილმა გააკეთა.

სამადაშვილის აზრით, მმართველი პარტიის წარმომადგენლები საკუთარი სისუსტის დამალვას ვეღარ ახერხებენ, რისი გამოხატულებაც მათ მიერ ჩადენილი ძალადობაა.

„როდესაც პოლიტიკოსები ფიზიკურ და სიტყვიერ ძალადობაზე გადადიან, ერთადერთ რამეს აჩვენებს - მათ თავადაც კარგად ესმით, რომ ნდობის მანდატი სრულად დაკარგეს. ცხადია, ნორმალურ ქვეყანაში ნორმალური პარტია საკუთარ წევრებს არამხოლოდ პარტიისა და პარლამენტის, არამედ პოლიტიკური საქმიანობის დატოვებას მოსთხოვდა, მაგრამ "ქართული ოცნება" არის მოძალადეების პარტია. შესაბამისად, არანაირი მოლოდინი არ გვაქვს, რომ ისინი არ გაამართლებენ საკუთარი მოძალადე წევრების საქციელს, რომლებიც პირველ რიგში ქართველ ხალხს აყენებ შეურაცხყოფას", - განაცხადა სალომე სამადაშვილმა.