გაეროს ატომური ენერგიის საერთაშორისო სააგენტომ რეზოლუცია მიიღო, რომლითაც რუსეთს მოუწოდებს, დატოვოს უკრაინის ზაპოროჟიეს ელექტროსადგური.

რეზოლუციის ტექსტზე 35 ქვეყანა საგენტოს შეხვედრაზე შეთანხმდა, რითაც სახელმწიფოები ოფიციალურ მოსკოვს მოუწოდებენ, „დაუყოვნებლივ შეწყვიტოს უკრაინაში ზაპოროჟიეს ატომურ ელექტროსადგურსა და ნებისმიერ სხვა ბირთვულ ობიექტზე ყველა ქმედება“.

რეზოლუცია 26 ხმით მიიღეს. ორი - რუსეთი და ჩინეთი - წინააღმდეგი იყვნენ, შვიდმა კი თავი შეიკავა.

შეგახსენებთ, ზაპოროჟიეს ატომური ელექტროსადგური ევროპის უდიდესი ბირთვული ობიექტია. ატომური ენერგიის საერთაშორისო სააგენტომ ცოტა ხნის წინ დაადგინა, ელექტროსადგურის "ფიზიკური მთლიანობა" დაირღვა მის მიმდებარედ მიმდინარე სამხედრო მოქმედებების ფონზე.