NDI გამოკითხულთა უმრავლესობა ფიქრობს, რომ საქართველოს მთავრობა და პარლამენტი უკრაინის მხარდასაჭერად საკმარისს აკეთებს

„ეროვნული-დემოკრატიული ინსტიტუტის“ (NDI) მიერ ჩატარებული გამოკითხვის შედეგების მიხედვით, გამოკითხულთა უმრავლესობა ფიქრობს, რომ საქართველოს მთავრობა და პარლამენტი უკრაინის მხარდასაჭერად საკმარისს აკეთებს.

მათივე ცნობით, საქართველოს ხელისუფლების მხრიდან უკრაინის მხარდასაჭერად მეტის გაკეთებას ყველაზე უფრო ახალგაზრდა მოქალაქეები, თბილისის მცხოვრებლები და ოპოზიციის მხარდამჭერები ითხოვენ.

კერძოდ, გამოკითხულთა 51% და 53% მიიჩნევს, რომ შესაბამისად საქართველოს პარლამენტი და საქართველოს მთავრობა საკმარისს აკეთებს უკრაინის მხარდასაჭერად. 33% და 32% მიიჩნევს, რომ შესაბამისად საქართველოს პარლამენტი და საქართველოს მთავრობა მეტს უნდა აკეთებდეს უკრაინის მხარდასაჭერად. მხოლოდ 3-3% მიიჩნევს, რომ საქართველოს არც პარლამენტი და არც მთავრობა არაფერს არ უნდა აკეთებდეს უკრაინის მხარდაჭერად.

ამასთან, საქართველოს მოსახლეობას კვლავ სჯერა, რომ ომი რუსეთის ბრალია, თუმცა მიმდინარე წლის მარტის მონაცემებთან შედარებით ამ ადამიანების რაოდენობა მაინც შემცირებულია. უფრო კონკრეტულად, კითხვაზე, თქვენი აზრით ვისი ბრალია უკრაინაში ომი, გამოკითხულთა 58% რუსეთს, ასახელებს, თუმცა მიმდინარე წლის მარტში რუსეთს 67% ასახელებდა. 18% მიიჩნევს, რომ ომი ვლადიმერ პუტინის ბრალია, 11% ფიქრობს, რომ ამაში თავად უკრაინის ბრალეულობაა, 4% ბრალს ევროკავშირს სდებს, 2% კი ნატო-ს.

ეროვნულ-დემოკრატიული ინსტიტუტისა და CRRC-საქართველოს მიერ გამოქვეყნებული ანგარიში 14 ივლისიდან - 15 აგვისტომდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). აგვისტოში ჩატარებული გამოკითხვა სულ 2,104 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 2 პროცენტია.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს