შს მინისტრის მოადგილე ლუკაშენკოს „ვიზიტზე“ - ეს იყო ძალიან მძიმე ფაქტი - საერთაშორისო სამართლის ნორმების უხეში დარღვევა

საქართველოს შინაგან საქმეთა მინისტრის მოადგილე ალექსანდრე დარახველიძე ბელარუსის პრეზიდენტის ალექსანდრე ლუკაშენკოს აფხაზეთში „ვიზიტს“ გამოეხმაურა. როგორც მან ჟურნალისტებს განუცხადა, ლუკაშენკოს აფხაზეთში ჩასვლა საერთაშორისო სამართლის ნორმების უხეში დარღვევა იყო.

“ეს იყო ძალიან მძიმე ფაქტი, რა თქმა უნდა, ვგმობთ მის „ვიზიტს“ რუსეთის მიერ ოკუპირებულ აფხაზეთის რეგიონში, ეს არის საერთაშორისო სამართლის ნორმების უხეში დარღვევა. ჩვენი სახელმწიფო გააკეთებს ყველაფერს, საერთაშორისო სამართლის ფარგლებში იმისათვის, რომ ადეკვატური პასუხი გაეცეს ამ პროვოკაციურ ქმედებას. საერთაშორისო სამართლით შესაბამისი ღონისძიებები არის გათვალისწინებული და სახელმწიფო იმ ნორმების შესაბამისად იმოქმედებს”,- განაცხადა დარახველიძემ.