სერგო ჩიხლაძე - "ქართული ოცნების“ მხარდაჭერა 6%-ით არის შემცირებული - IRI-ის კვლევაც ადასტურებს ჩვენს სისწორეს, რომ თუ ძალების კონსოლიდირება, გაერთიანება მოხდება, უფრო მეტი შანსი იქნება, სიტუაციის გადასატეხად

IRI-ის ეს კვლევაც ადასტურებს ჩვენს სისწორეს, რასაც ვამბობთ „სტრატეგია აღმაშენებელი“, „გირჩი-მეტი თავისუფლება“ და „დროა“, რომ თუ ძალების კონსოლიდირება მოხდება, გაერთიანება მოხდება, უფრო მეტი შანსი იქნება, სიტუაციის გადასატეხად , - ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ „პალიტრანიუსის“ გადაცემა „360 გრადუსში“ განაცხადა.

სერგო ჩიხლაძის განცხადებით, კვლევა რეალობას ასახავს და აქ არც გასაბრაზებელია რაიმე და არც არასანდო.

„აქ არც გასაბრაზებელია რაიმე და არც არასანდო. პირიქით, ძალიან მნიშვნელოვანი ტენდენციები ჩანს ამ კვლევაში. კვლევის შედეგები სახარბიელო არაა ხელისუფლებისთვის, მაგრამ ზოგადად სახარბიელო არ არის ქვეყნისთვის თუ შეხედავთ გაჭირვებას, უიმედობას, პრობლემებს, რომელსაც მოსახლეობის დიდი ნაწილი ასახელებს. ასევე, არ დაგვავიწყდეს, რომ ამ კვლევაში არის ძალიან მნიშვნელოვანი კითხვები: როგორ ვითარდება ქვეყანა, როგორია ინსტიტუციების ნდობა და ვხედავთ კატასტროფულ ვარდნას, დაწყებული პრეზიდენტის ინსტიტუტიდან, დამთავრებული პარლამენტით და სხვებით.

ეს ასახავს რეალობას, გასაგებია, რომ როდესაც მოხდება გადანაწილება ამ ხმების, ალოკაცია და რეალურ ფორმატში გადმოტანა, რიცხვები, რა თქმა უნდა, იცვლება, მაგრამ რაც შეიძლება დასკვნა გავაკეთო არის ის, რომ ქვეყანა ერთმნიშვნელოვნად არასწორი მიმართულებით ვითარდება და „ქართული ოცნების“ მხარდაჭერა ბოლო კვლევასთან შედარებით, რომელიც სულ რაღაც რამდენიმე თვის წინ იყო, 6%-ით არის შემცირებული.

მნიშვნელოვანია ასევე ის, რომ ჯამურად ოპოზიციური პარტიების რეიტინგი აღემატება „ქართული ოცნების“ რეიტინგს და ზუსტად ამას ვამბობდით, რომ ჯამურად, ჩვენი, სამი პარტიის, რომლებიც მჭიდრო კოორდინაციაში ვართ, ერთიან ფორმატში ვმოქმედებთ, ჩვენი მხარდაჭერა შვიდი პროცენტია, მეორე არჩევანი რვა პროცენტი, ამიტომ, ჩემი აზრით, ეს კვლევაც ადასტურებს ჩვენს სისწორეს, რასაც ვამბობთ „სტრატეგია აღმაშენებელი“, „გირჩი-მეტი თავისუფლება“ და „დროა“, რომ თუ ძალების კონსოლიდირება მოხდება, გაერთიანება მოხდება, უფრო მეტი შანსი იქნება, სიტუაციის გადასატეხად, რასაც ჰქვია პრორუსული „ქართული ოცნების“ დამარცხება და ევროპული მომავლის მოპოვება“ , - განაცხადა სერგო ჩიხლაძემ.

ინფორმაციისთვის, "საერთაშორისო რესპუბლიკური ინსტიტუტის" (IRI) მიერ ჩატარებული საზოგადოებრივი აზრის კვლევის თანახმად, კითხვაზე, ამ კვირას, რომ საპარლამენტო არჩევნები ტარდებოდეს, რომელ პარტიას მისცემდით ხმას? გამოკითხულ მოქალაქეთა პასუხები შემდეგნაირად გამოიყურება:

ქართული ოცნება - დემოკრატიული საქართველო - 25%; ერთიანი ნაციონალური მოძრაობა - 12%; საქართველოსთვის - გიორგი გახარია - 3%; გირჩი - მეტი თავისუფლება - ზურაბ გირჩი ჯაფარიძე - 3%; სტრატეგია აღმაშენებელი - გიორგი ვაშაძე - 2%; დროა - ელენე ხოშტარია - 2%; ლეიბორისტული პარტია - შალვა ნათელაშვილი - 2%; ხალხისთვის - ანა დოლიძე - 2%; გირჩი - 2%; პატრიოტთა ალიანსი - დავით თარხან მოურავი და ირმა ინაშვილი - 2%; ლელო - 1%; მოქალაქეები - ალეკო ელისაშვილი - 1%; კონსერვატიული მოძრაობა - ალტ-ინფო - 1%; სხვები - 2%; გაფუჭებული საარჩევნო ბიულეტენი - 11%; ხმას არ მივცემდი - 6%; არ ვიცი - 16%; უარი პასუხზე - 7%.

ანდრო გოცირიძე - საქართველოს შეუძლია რუსეთის წიაღს დაუბრუნდეს, ოღონდ, რუსეთის მიერ აღიარებული „სახელმწიფოების“ გარეშე, ეს არის ის ფორმულა, რასაც რუსეთი საქართველოს ოფიციალურად სთავაზობს
მირიან მირიანაშვილი - თუ რუსეთმა აშშ-თან უკრაინაში ომის დასრულების შეთანხმება ვერ დადო, ანუ, თუ სი ძინ პინი „ვერ გადააგდო“, მაშინ საქართველო რუსეთის გავლენის სფეროში ვერ აღმოჩნდება
ქართული პრესის მიმოხილვა 17.04.2025
„ამბასადორი აილენდ ბათუმის" მიმართ ინტერესმა დუბაის უძრავი ქონების საერთაშორისო გამოფენაზე მოლოდინს გადააჭარბა
„ვისოლი“ ციფრული ტრანსფორმაციის ახალ ეტაპზე გადადის
Touch Plarform-ის ორგანიზებით, თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
სილქნეტის აქცია: თემატური სპორტული პაკეტები დამატებითი გადასახადის გარეშე
საბანკო ასოციაციის რჩევები კიბერუსაფრთხოებისთვის დღესასწაულების წინ