ანრი ოხანაშვილი - ღიად ვერ ამბობენ, თორემ ოპოზიციაში უნდათ კანონში ჩავწეროთ, რომ „ქართული ოცნება“ ხელისუფლებიდან მიდის, „ნაციონალური მოძრაობა“ და მათი სატელიტი რადიკალური ჯგუფები კი ბრუნდებიან

ოპოზიციის მიზანია კანონი ერთ პირს, ბიძინა ივანიშვილს მოერგოს - ღიად ვერ ამბობენ, თუმცა უნდათ კანონში ჩავწეროთ, რომ „ქართული ოცნება“ ხელისუფლებიდან მიდის, „ნაციონალური მოძრაობა“ და მათი სატელიტი რადიკალური ჯგუფები კი ბრუნდებიან, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა დეოლიგარქიზაციის კანონპროექტზე ოპოზიციის კრიტიკის საპასუხოდ განაცხადა.

ოხანაშვილის თქმით, ოპოზიციას შესთავაზეს წარმოედგინათ თავიანთი მოსაზრებები, რა ჩაეწერათ კანონში, თუმცა ასეთი ხედვები მათგან არ მოუსმენიათ.

„მათ მსგავსი შემოთავაზება არ ჰქონიათ არც საკომიტეტო ფორმატში და არც პლენარულ სხდომაზე. ამას ვერც გააკეთებდნენ, რადგან ღიად ამბობენ, რომ მათი მიზანია, კანონი ერთ პირს მოერგოს და ეს უნდა ყოფილიყო ბიძინა ივანიშვილი. გუშინ ევროკომისარმა განაცხადა, რომ დეოლიგარქიზაციის კანონი უნდა ემსახურებოდეს არა ცალკეული პირების ჩაწერას, არამედ ჩარჩო რეგულაციების შექმნას გამოწვევისთვის, რომელიც არის ფენომენად და გამოწვევად მიჩნეული, არა მხოლოდ რეგიონში, საქართველოში, არამედ სხვა ევროპულ ქვეყნებშიც. ჩვენ ამას ვაკეთებთ მიუხედავად იმისა, რომ ოპოზიციას არც ერთი შინაარსობრივი წინადადება არ შემოუთავაზებია. თუ არ ეთანხმები რაღაცას, ალტერნატივა უნდა შესთავაზო. ვიცით, რომ მათთვის ალტერნატივა მხოლოდ ხელისუფლების ცვლილებაა და ამას ხომ არ გვეტყოდნენ?! ასე ღიად ვერ ამბობენ ამას, თუმცა უნდათ კანონში ჩვენ ჩავწეროთ, რომ „ქართული ოცნება“ ხელისუფლებიდან მიდის, „ნაციონალური მოძრაობა“ და მათი სატელიტი რადიკალური ჯგუფები კი ბრუნდებიან - უკაცრავად, მაგრამ ამას საკანონმდებლო პროცესი არ ითვალისწინებს,“ - განაცხადა ოხანაშვილმა.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი