თუკი ვინმეს სიტყვას აქვს მნიშვნელობა, რა თქმა უნდა, „ქართული ოცნების“ ფრაქციის სიტყვას და მის დამოკიდებულებას აქვს მნიშვნელობა და ამას უნდა გავუწიოთ ანგარიში - ომბუდსმენი „ქართული ოცნებისთვის“ უნდა იყოს მისაღები,- ამის შესახებ ჟურნალისტებთან პარლამენტის თავმჯდომარე შალვა პაპუაშვილმა განაცხადა.
მისივე თქმით, კონსენსუსი შედგება თუ არა, ეს ოპოზიციის კონსტრუქციულობაზე იქნება დამოკიდებული.
„სახალხო დამცველის შერჩევას რაც შეეხება, იცით, რომ კონსულტაცია მიმდინარეობს. აქ დამოკიდებული ვართ იმაზე, რომ ოპოზიცია იყოს კონსტრუქციული. მე შემიძლია გავიმეორო ჩემი დამოკიდებულება, კანდიდატი უნდა იყოს თანაბრად მისაღები იმ კვალიფიციური უმრავლესობისთვის, რომელიც საჭიროა სახალხო დამცველის ასარჩევად და მეორე - საქართველოს მოსახლეობის უმრავლესობას ამ პარლამენტში წარმოადგენს „ქართული ოცნება“ და თუკი ვინმეს სიტყვას აქვს მნიშვნელობა, რა თქმა უნდა, „ქართული ოცნების“ ფრაქციის სიტყვას და მის დამოკიდებულებას აქვს მნიშვნელობა და ამას უნდა გავუწიოთ ანგარიში. თუკი ვსაუბრობთ საქართველოს სახალხო დამცველზე, ის მისაღები უნდა იყოს საქართველოს მოსახლეობის უმრავლესობისთვის. შესაბამისად, უმრავლესობის წარმომადგენელია „ქართული ოცნება“ და „ქართული ოცნებისთვის“ უნდა იყოს მისაღები,“ - განაცხადა პაპუაშვილმა.