რომან გოცირიძე სააკაშვილზე - ნუ ეთამაშება ხელისუფლება ცეცხლს და ადამიანის სიცოცხლეს - სალომე ზურაბიშვილს შეუძლია პრობლემა ერთ წუთში გადაწყვიტოს
ნუ ეთამაშება საქართველოს ხელისუფლება ცეცხლს და ადამიანის სიცოცხლეს - სალომე ზურაბიშვილს შეუძლია პრობლემა ერთ წუთში გადაწყვიტოს, მან გაბედულება უნდა გამოიჩინოს, - ამის შესახებ ჟურნალისტებს ფრაქცია "ნაციონალური მოძრაობის" წევრმა რომან გოცირიძემ განუცხადა.
როგორც გოცირიძემ აღნიშნა, მიხეილ სააკაშვილის ბედს ოლიგარქი წყვეტს, რომელზეც ზემოქმედება არც თუ ისე ადვილია.
„საქართველოს ხელისუფლება ქვეყანას მომავალს უკარგავს. მიხეილ სააკაშვილის ჯანმრთელობა უკვე იმ მდგომარეობამდეა მისული, რომ კვირების საკითხია და არა თვეების და მისი სიცოცხლე შეიძლება ფატალურად დამთავრდეს. ეს იმას ნიშნავს, რომ საქართველოში მრავალწლიანი მტრობა, შური და შიდაკონფრონტაცია დაისადგურებს. შურისძიების გრძნობით აღჭურვილი ხელისუფლება ქვეყნის მომავალზე არ ზრუნავს. ამიტომაც ვხედავთ როგორი საერთაშორისო გამოხმაურება აქვს მიხეილ სააკაშვილის ჯანმრთელობის მდგომარეობას", - განაცხადა რომან გოცირიძემ.
v-if="article.gallery" v-html="article.gallery"
