გიორგი მუმლაძე - თუ სალომე ზურაბიშვილი გადადგამს ისტორიულ ნაბიჯს, გაათავისუფლებს მიხეილ სააკაშვილს, მზად ვართ, გვერდში დავუდგეთ და ფიზიკურად დავიცვათ ეს ადამიანი
თუ სალომე ზურაბიშვილი გადადგამს ისტორიულ ნაბიჯს, გაათავისუფლებს მიხეილ სააკაშვილს, მზად ვართ, გვერდში დავუდგეთ და ფიზიკურად დავიცვათ ეს ადამიანი, - ამის შესახებ "ნაციონალური მოძრაობის" თავმჯდომარეობის კანდიდატმა, გიორგი მუმლაძემ ჟურნალისტებთან საუბრისას განაცხადა.
მისივე თქმით, საქართველოს მესამე პრეზიდენტის, მიხეილ სააკაშვილის ამ მდგომარეობამდე მიყვანა თავიდან ბოლომდე რუსეთის პრეზიდენტის, ვლადიმერ პუტინის მიერ არის ორგანიზებული, რომელსაც "ქართული ოცნების" დამფუძნებელი ბიძინა ივანიშვილი ასრულებს.
"სალომე ზურაბიშვილს აქვს კონსტიტუციური უფლება, რომ ერთი ხელის მოწერით გაათავისუფლოს მიხეილ სააკაშვილი პატიმრობიდან. ეს გადაარჩენს მიშას სიცოცხლეს და ასევე, საქართველოს დემოკრატიულ და ევროპულ მომავალს. ასევე, გუშინ რადგან მან შანტაჟზე და მუქარაზე ისაუბრა "ქართული ოცნების" მხრიდან, თუ სალომე ზურაბიშვილი გადადგამს ისტორიულ ნაბიჯს, გაათავისუფლებს მიხეილ სააკაშვილს და ამით შეინარჩუნებს საქართველოს დემოკრატიულ და ევროპულ მომავალს, მე და ჩემი მეგობრები მზად ვართ, რომ ამ განსხვავებულობის მიუხედავად, რაც ახლა გვაქვს, დავუდგე გვერდში და მათ შორის, ფიზიკურად დავიცვათ ეს ადამიანი," - განაცხადა გიორგი მუმლაძემ.
v-if="article.gallery" v-html="article.gallery"
