სალომე სამადაშვილი - ბოიკოტი თუ არ ემსახურება კონკრეტულ ამოცანას, რომლის მიღწევაც ამ გზითაა შესაძლებელი, ბრძოლიდან გაქცევაა - მიმაჩნია, რომ უნდა ვიბრძოლოთ ყველგან, პარლამენტშიც და ქუჩაშიც

პარლამენტი არის პოლიტიკური ბრძოლის მნიშვნელოვანი ველი და გადაწყვეტილებები, როგორიც არის ბოიკოტი, თუ არ ემსახურება კონკრეტულ ამოცანას, რომლის მიღწევაც შესაძლებელია ბოიკოტის გზით, არის ბრძოლიდან გაქცევა,- ამის შესახებ ჟურნალისტებთან „ლელოს“ დეპუტატმა სალომე სამადაშვილმა კოლეგების ბოიკოტთან დაკავშირებით განაცხადა.

მისი თქმით, დღეს ოპოზიციამ ქვეყნის ევროპული მომავლისთვის უნდა იბრძოლოს როგორც პარლამენტში, ისე ქუჩაში და საერთაშორისო ასპარეზზე.

„მიმაჩნია, რომ დღეს ქვეყნისთვის გადამწყვეტ ამ მნიშვნელოვან მომენტში უნდა ვიბრძოლოთ ყველგან, პარლამენტშიც, როცა საჭიროა ქუჩაშიც, საერთაშორისო ასპარეზზეც, ყველგან ჩვენი ქვეყნის ევროპული მომავლის გადასარჩენად და ივანიშვილის ხელისუფლების დასასრულებლად“, - განაცხადა სამადაშვილმა.