რომან გოცირიძე უმრავლესობას - ეროვნული ბანკის ყურმოჭრილი პრეზიდენტის დასმა რომ გინდათ, სავალუტო ფონდი პროგრამას შეწყვეტს და შემდეგ განაცხადებთ, რომ ეს პროგრამა არ აღდგება მანამ, ვიდრე საქართველო რუსეთს ომს არ გამოუცხადებს!
წინმსწრებად გეტყვით: - ეროვნული ბანკის ყურმოჭრილი პრეზიდენტის დასმა რომ გინდათ, სავალუტო ფონდი პროგრამას შეწყვეტს და შემდეგ თქვენ განაცხადებთ, რომ სავალუტო ფონდის პროგრამა არ აღდგება მანამ, ვიდრე საქართველო რუსეთს ომს არ გამოუცხადებს! - ამ განცხადებით მმართველი გუნდის წარმომადგენლებს ოპოზიციონერმა დეპუტატმა რომან გოცირიძემ მიმართა.
როგორც გოცირიძემ ამ კონტექსტში აღნიშნა, “ხელისუფლება არა ხარ, როცა მოქალაქეებს ასეთი მავნებლობებით ატყუებ“.
მისი თქმით, საქართველოში ომი არავის უნდა, მაგრამ თავად ხელისუფლებას ასეთი შიშებით ძალაუფლების შენარჩუნება სურს.
„თურმე ვიდრე საქართველო ომს არ დაიწყებს, ბიძინა ივანიშვილს შვეიცარიული ბანკი ფულს არ მისცემს. შვეიცარიის ბანკი გაკოტრებულია. რა აზრი აქვს სინგაპურში სასამართლოს მოგებას, თუ ბანკი გაკოტრებულია... ასე ატყუებთ მოქალაქეებს, რომ თურმე ივანიშვილს უბიძგებენ, რომ თუ ომს არ დაიწყებს, ფულს არ დაუბრუნებენ. ეს არის სამარცხვინო განცხადებები!
თქვენთვის მთავარია ძალაუფლება, ფული, დაუსჯელობა და არა ქვეყნის ევროკავშირში გაწევრიანება და ქვეყანაზე ზრუნვა“, - მიმართა გოცირიძემ მმართველი გუნდის წევრებს.
პარლამენტში “მინისტრის საათის“ ფორმატში, საგარეო საქმეთა მინისტრი ილია დარჩიაშვილი იმყოფება.
