სერგო ჩიხლაძე - არაფორმალური, აგრესიული ჯგუფები ჩართო უკვე ხელისუფლებამ ქმედებაში, რაც კიდევ ერთხელ მიანიშნებს, რომ ეს არის რუსული რეჟიმი, რუსული მეთოდებით მართული ხელისუფლება

არაფორმალური, აგრესიული ჯგუფები ჩართო უკვე ხელისუფლებამ ქმედებაში, რაც კიდევ ერთხელ მიანიშნებს, რომ ეს არის რუსული რეჟიმი, რუსული მეთოდებით მართული ხელისუფლება, - ამის შესახებ „სტრატეგია აღმაშენებლის“ ერთ-ერთმა ლიდერმა სერგო ჩიხლაძემ განაცხადა, რითაც თსუ-ში, გორში და ბაკურიანში მომხდარ ფაქტებს გამოეხმაურა.

მისი თქმით, „რეჟიმი“ რაც შეიძლება სწრაფად უნდა მოშორდეს ხელისუფლებას.

„ესენი არიან ხელისუფლების ორგანიზებული ძალადობრივი ჯგუფები, „ზონდერები“. არაფორმალური, აგრესიული ჯგუფები ჩართო უკვე ხელისუფლებამ ქმედებაში, რაც კიდევ ერთხელ მიანიშნებს, რომ ეს არის რუსული რეჟიმი, რუსული მეთოდებით მართული ხელისუფლება და ეს არის რეჟიმი, რომელიც რაც შეიძლება სწრაფად უნდა მოშორდეს ხელისუფლებას“, - განაცხადა ჩიხლაძემ.

რაც შეეხება ოპოზიციის გაერთიანების საკითხს - სერგო ჩიხლაძემ აღნიშნა, რომ „სტრატეგია აღმაშენებელი“ ყველა პროდასავლურ ძალასთან თანამშრომლობს და წინასაარჩევნოდ რა კონფიგურაციას მიიღებს კონკრეტული ურთიერთობები, ამაზე საუბარი ნაადრევია.

„სტრატეგია აღმაშენებელი“ თანამშრომლობს ყველა პროდასავლურ ძალასთან და ერთადერთი ვისთანაც არ ითანამშრომლებს არის „ქართული ოცნება“, რადიკალური პრორუსული დაჯგუფებები როგორიც არის „ალტ ინფო“, ირმა ინაშვილის მოძრაობა და ა.შ. სხვა ყველა პროდასავლურ ძალასთან ჩვენ ვთანამშრომლობდით, ვითანამშრომლებთ და არსებობს თანამშრომლობის სხვადასხვა ფორმატი და რა კონფიგურაციას მიიღებს ეს წინასაარჩევნოდ, ამაზე საუბარი ნაადრევია“, - განაცხადა სერგო ჩიხლაძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო