სალომე სამადაშვილი - ხელისუფლება, რომელმაც ჩაძირულ გემზე ახალი ჯაჭვებით მიაბა საკუთარ ხალხი, სამშობლოს მოღალატეა, წერტილი! - იგივე შეეხება მოსკოვში „მოღნავლე“ ქართული წარმომავლობის რუს მომღერლებს
ხელისუფლება, რომელმაც ამ ჩაძირულ გემზე ახალი ჯაჭვებით მიაბა საკუთარ ხალხი - სამშობლოს მოღალატეა. წერტილი! იგივე შეეხება მოსკოვში „მოღნავლე“ ქართული წარმომავლობის რუს მომღერლებს, - ამის შესახებ „ლელოს“ წევრმა სალომე სამადაშვილმა განაცხადა.
ამასთან, დეპუტატი რუსეთში განვითარებულ შიდა დაპირისპირებას ეხმაურება და ამბობს, რომ რუსეთს უმძიმესი წლები ელოდება, როგორც პოლიტიკური, ასევე ეკონომიკური გამოწვევების თვალსაზრისით.
„უკრაინის წინააღმდეგ რუსეთის სამხედრო აგრესიის დაწყებიდან ვითხოვთ რუსეთისთვის სავიზო რეჟიმის და რეგულაციების გამკაცრებას. რატომ? იმიტომ, რომ უსაფრთხოების გამოწვევა, რომელსაც ეს ომი წარმოადგენს საქართველოსთვის, ამას აუცილებლად მოითხოვს. რუსეთში მიმდინარე შიდა პოლიტიკური პროცესები, რომელიც უკრაინაში წარუმატებლობის ლოგიკური შედეგია, ამის კიდევ ერთი მაგალითია. ამიტომ ხელისუფლება, რომელმაც საფრთხის განეიტრალების ნაცვლად, ყველანაირად გაამარტივა რუსეთის მოქალაქეების შემოდინება საქართველოში, სახიფათოა ჩვენი ქვეყნისთვის, მისი თითოეული მოქალაქისთვის.
როგორც არ უნდა დასრულდეს “ვაგნერის” დაწყებული კამპანია, რეალური დაპირისპირებაა, თუ დადგმული, პუტინის ძალაუფლების განსამტკიცებლად-რუსეთს უმძიმესი წლები ელოდება, როგორც პოლიტიკური, ასევე ეკონომიკური გამოწვევების თვალსაზრისით.
ხელისუფლება, რომელმაც ამ ჩაძირულ გემზე ახალი ჯაჭვებით მიაბა საკუთარ ხალხი-სამშობლოს მოღალატეა. წერტილი. იგივე შეეხება მოსკოვში „მოღნავლე“ ქართული წარმომავლობის რუს მომღერლებს”, - აცხადებს სალომე სამადაშვილი.
v-if="article.gallery" v-html="article.gallery"
