ირაკლი კობახიძე - ის, რომ თბილისიდან 40 კმ-ში რუსული ჯარი დგას, სააკაშვილის ავანტიურისტული ქმედებების დამსახურებაა - ევროსაბჭოს რეზოლუციაში წერია, რომ საბრძოლო მოქმედებები სააკაშვილმა დაიწყო - ეს ასევე თქვა ზურაბიშვილმაც

რეზოლუციაში წერია, რომ სწორედ სააკაშვილმა დაიწყო საბრძოლო მოქმედებები. მათ ამას ხელი მოაწერეს. ამ თემაში ღრმად არ შევდივარ, მაგრამ თვითონ სააკაშვილს აქვს ნათქვამი, რომ მან დაიწყო ომი. ასევე, სალომე ზურაბიშვილმა განაცხადა, რომ მაშინ სააკაშვილმა დაიწყო ომი, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა.

მისი თქმით, საქართველოში რუსული ჯარი სააკაშვილის ავანტიურამ მოაბრუნა და ის, რომ დღეს თბილისიდან 40 კმ-ში რუსული ჯარი დგას სააკაშვილის ავანტიურისტული ქმედებების დამსახურებაა.

„ეს ავანტიურისტული ქმედებები, საბოლოო ჯამში, მიზნად ისახავდა იმ შედეგის დადგომას, რომელიც დადგა. შემიძლია შეგახსენოთ, რა წერია ევროსაბჭოს რეზოლუციაში, რასაც ხელი „ნაცმოძრაობამ“, სააკაშვილმა მოაწერეს. იქ წერია,რომ სწორედ სააკაშვილმა დაიწყო საბრძოლო მოქმედებები. მათ ამას ხელი მოაწერეს. ამ თემაში ღრმად არ შევდივარ, მაგრამ თვითონ სააკაშვილს აქვს ნათქვამი, რომ მან დაიწყო ომი. ასევე, სალომე ზურაბიშვილმა განაცხადა, რომ მაშინ სააკაშვილმა დაიწყო ომი. პირდაპირ თქვა, არამარტო საქართველომ დაიწყო ომიო, ეს სალომე ზურაბიშვილის მიერ არის ნათქვამი, რაც ძალიან ცუდი ნათქვამი იყო, მაგრამ მან თქვა, ასევე, თქვა, რომ მძინარე ცხინვალს დაესხა თავს ქართული ჯარიო. ეს არის სალომე ზურაბიშვილის ციტატა. ახლა დასკვნას გამოვიტან - თქვენ ეს კითხვები დაუსვით თქვენს პარტნიორებს - სალომე ზურაბიშვილს და „ნაცმოძრაობას“, რომლებიც ამტკიცებდნენ, რომ მათ დაიწყეს ომი. კიდევ ერთხელ გავიმეორებ, წადით და ჰკითხეთ სალომე ზურაბიშვილს, რას ფიქრობს დღეს. წადით და ჰკითხეთ „ნაცმოძრაობას“ ეთანხმებიან, თუ არა იმ ჩანაწერს, რომლის რეზოლუციაშია ჩადებული“, - განუცხადა კობახიძემ ჟურნალისტებს.

მისვე თქმით, კიდევ ერთხელ ადასტურებს იმას, რაც პრემიერმა თქვა - შედეგი, რომელიც დადგა იყო სააკაშვილის პოლიტიკის შედეგი.

„თავიდან ბოლომდე, სააკაშვილის პოლიტიკის შედეგი იყო, რაც დადგა. ჩვენ რომ შეცდომები დაგვეშვა, მაგალითად, გასული 2-3 წლის განმავლობაში შედეგი იქნებოდა სხვა - არა მშვიდობა, არამედ ის, რაც „ნაცმოძრაობას“ უნდოდა კიდევ ერთხელ, ის, რაც მოგვიტანეს 2008 წელს. ეს იყო 500 დაღუპული ადამიანი და 30 000 დევნილი.ამაზე უარესი შედეგები უნდოდა „ნაცმოძრაობას“ ახლა, ჩვენი ქვეყნისთვის“, - განაცხადა კობახიძემ და აღნიშნა, რომ „ნაციონალობა“ ნიშნავს გონების დაბინდვას“.

„რუსეთს შეიძლება ომი ნებისმიერ მომენტში უნდოდეს, მაგრამ შენ, როცა ხელისუფლება ხარ ყველაფერი უნდა გააკეთო იმისთვის, რომ ეს თავიდან აირიდო“, -განაცხადა კობახიძემ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა