საქართველოს პარლამენტის ეროვნული ბიბლიოთეკის დირექტორმა გიორგი კეკელიძემ და დირექტორის მოადგილემ მირიან ხოსიტაშვილმა თურქეთში, ქალაქ სინოპში ,,სინოპის ქართული კულტურისა და მეგობრობის ასოციაციასთან“ ერთად ქართული ბიბლიოთეკა გახსნეს. ამის შესახებ ინფორმაციას საქართველოს პარლამენტის ეროვნული ბიბლიოთეკა ავრცელებს.

მათივე ცნობით, ბიბლიოთეკას საჩუქრად უახლესი ლიტერატურა გადაეცა. გაიმართა შეხვედრები ასოციაციის წარმომადგენლებთან. ამასთან, ისაუბრეს მომავალი თანამშრომლობის გეგმებზე.

სინოპში ქართული ბიბლიოთეკა "თიბისი ბანკის" მხარდაჭერით გაიხსნა.