25 სექტემბერი მიუსაფარი ცხოველების მფარველთა დღედ გამოცხადდა
25 სექტემბერს საქართველოს პარლამენტის ეროვნულმა ბიბლიოთეკამ და „ცხოველთა გადარჩენის სახალხო ფრონტმა“ მიუსაფარი ცხოველების მფარველთა დღე დააწესეს.
ეროვნული ბიბლიოთეკის დირექტორის გიორგი კეკელიძის განცხადებით, დაიგეგმა სოფლის ბიბლიოთეკებში მიუსაფარ ცხოველთა შესახებ საინფორმაციო კუთხეების მოწყობა.
„დავაჯილდოვეთ წლის გამორჩეული მფარველი ადამიანები და კომპანიები, დაიგეგმა სოფლის ბიბლიოთეკებში მიუსაფარ ცხოველთა შესახებ საინფორმაციო კუთხეების მოწყობა. ეროვნულ ბიბლიოთეკას ერთი ძაღლი - „ბიბი“ ჰყავს შეფარებული, მე - ორი - „ცუგი“ და „კუსა“. თუმცა ხან იქით, მათთან ვეძებ თავშესაფარს - ერთმანეთის შემფარებლები უფრო გამოვდივართ. ხოლო მათ, ვინც ყალბად ამოიკვნესებს, რა დროს ძაღლებია, ადამიანები გავიწყდებათო, მინდა ვუთხრა, რომ ის, ვინც ოთხფეხებს უწვდის ხელს, არასდროს იზარებს ადამიანის დახმარებას და პირიქით - ვინც ადამიანის გასაჭირს ცნობს, ძაღლისასაც იოლად გაიგებს”, - ამბობს გიორგი კეკელიძე.
v-if="article.gallery" v-html="article.gallery"
