შალვა პაპუაშვილი რუმინეთის პრემიერ-მინისტრს შეხვდა

საქართველოს პარლამენტის თავმჯდომარე შალვა პაპუაშვილი რუმინეთის პრემიერ-მინისტრ მარჩელ ჩოლაკუსს შეხვდა.

საქართველოს პარლამენტის პრესსამსახურის ცნობით, შეხვედრაზე საქართველოსა და რუმინეთს შორის ურთიერთობების მზარდი დინამიკა დადებითად შეფასდა.

შალვა პაპუაშვილმა რუმინულ მხარეს მადლობა გადაუხადა საქართველოს ტერიტორიული მთლიანობის, ევროპული და ევროატლანტიკური მისწრაფებების მხარდაჭერისთვის. შეხვედრაზე განიხილეს საქართველო-რუმინეთის ორმხრივი ურთიერთობები ეკონომიკისა და ვაჭრობის, ასევე ენერგეტიკის სექტორებში. რუმინეთის პრემიერ-მინისტრის თქმით, ორ ქვეყანას შორის ურთიერთობა ორ ძირითად მიმართულებაზე - უსაფრთხოებასა და ეკონომიკაზე უნდა იყოს კონცენტრირებული. ამ მხრივ კი, საპარლამენტო დიპლომატიის როლი მზარდია.

შეხვედრაზე ყურადღება გამახვილდა ორი ქვეყნის მნიშვნელოვან გეოგრაფიულ მდებარეობაზე, რომელიც ამჟამინდელ გეოპოლიტიკურ ვითარებაში სწორად უნდა იყოს გამოყენებული. მხარეებმა ხაზი გაუსვეს საქართველო– რუმინეთს შორის საბორნე ხაზის გახსნას, აგრეთვე, ერთობლივი პროექტების მნიშვნელობას შავი ზღვის დაკავშირებადობისა და ევროპის ენერგოდამოუკიდებლობის ხელშეწყობის მიზნით.

შალვა პაპუაშვილმა რუმინეთის პრემიერ-მინისტრს ევროკავშირსა და ნატო-ში გაწევრიანების კუთხით საქართველოს პროგრესი გააცნო და რუმინეთის შემდგომი მტკიცე მხარდაჭერის მიღების იმედი გამოთქვა. მარჩელ ჩოლაკუსმა აღნიშნა, რომ რუმინეთი გულით გულშემატკივრობს საქართველოს და გააგრძელებს მის მხარდაჭერას ევროკავშირსა და ნატოში გაწევრიანების გზაზე. მან მოუწოდა ქართულ მხარეს, მაქსიმალურად გამოიყენოს რუმინეთის რესურსი საქართველოს პროგრესის ხელშესაწყობად.

მხარეებმა გამოხატეს ორ ქვეყანას შორის სტრატეგიული პარტნიორობის გაღრმავების მზაობა. შეხვედრას საქართველოს მხრიდან, პარლამენტის თავმჯდომარესთან ერთად ესწრებოდნენ დელეგაციის წევრები, დეპუტატები: დავით სონღულაშვილი, ისკო დასენი, გენრიეტა წიწავა, ეკატერინე სეფაშვილი და საქართველოს ელჩი რუმინეთში თამარ ბერუჩაშვილი“,- აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024