კახა კალაძე მიხეილ სააკაშვილის შეწყალებაზე - მგონია, რომ ამას სალომე ზურაბიშვილი არ გააკეთებს, თუმცა გამორიცხული არაფერია

თბილისის მერის, კახა კალაძის განცხადებით, საქართველოს პრეზიდენტი მიხეილ სააკაშვილს არ შეიწყალებს.

მისივე თქმით, ამ ვარაუდის საფუძველს სალომე ზურაბიშვილის მიერ თვეების წინ გაკეთებული განცხადებები ქმნის.

„მგონია, რომ სალომე ზურაბიშვილი ამას არ გააკეთებს. რადგან მას პრინციპულად სიტყვა ნათქვამი აქვს. მგონია, რომ ის თავის ნათქვამს არ გადააბიჯებს და გააკეთებს იმას, რაც განაცხადა თვეების წინ და რასაც ამბობდა ყოველთვის. მე მგონია, რომ ამას არ გააკეთებს, თუმცა გამორიცხული არაფერია. თუ ამ ნაბიჯს გადადგამს, ის იქნება გამზიარებელი იმ უბედურებების, რომელთა მთავარი შემოქმედი გახლდათ სააკაშვილი, რაც ცხრაწლიანი მმართველობის პერიოდში ამ ადამიანმა და მისმა პოლიტიკურმა გუნდმა იკადრა და აკადრა ჩვენი ქვეყნის მოსახლეობას.

ბევრჯერ მითქვამს და გავიმეორებ, როგორ შეიძლება, პოლიტიკოსმა, პოლიტიკურმა პარტიამ, როდესაც ხელისუფლებაში ხარ, გააკეთო და აკადრო ის შენი ქვეყნის მოსახლეობას, რაც ამ ადამიანებმა გააკეთეს. შესაბამისად, თუ ამ გადაწყვეტილებას მიიღებს, პირდაპირ შეიძლება ითქვას, რომ ყველა იმ უბედურების გამზიარებელი იქნება და ამ ადამიანის კისერზეც იქნება, რაც სააკაშვილმა და მისმა გუნდმა გააკეთა“, - განაცხადა კახა კალაძემ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო