„ნაციონალური მოძრაობის“ რეგიონული საბჭოს თავმჯდომარე ხონის ადგილობრივ თვითმმართველობაში ბიუროკრატიის გაზრდაზე საუბრობს

„ნაციონალური მოძრაობის“ რეგიონული საბჭოს თავმჯდომარე, თემურ ცამციშვილი ხონის ადგილობრივ თვითმმართველობაში ბიუროკრატიის გაზრდაზე საუბრობს და ქალაქის მერს მიმართავს, საჯაროდ დასაქმებული ადამიანების სია მიაწოდოს.

როგორც თემურ ცამციშვილი აცხადებს, აუდიტის დასკვნის მიხედვით, ხონის ადგილობრივ თვითმმართველობაში იმდენად არის ბიუროკრატია გაზრდილი, რომ რიგ შემთხვევაში, შეუძლებელია ამდენი ადამიანი შენობაში ფიზიკურად ეტეოდეს.

„რიგ შემთხვევაში, შეუძლებელია ეს ადამიანები ფიზიკურად ეტეოდნენ შენობებში და მათი უზრუნველყოფა ხდებოდეს კომპიუტერული ტექნიკით და ოთახებით. ჩვენ ვითხოვთ ამ ადამიანების სახელების და გვარების მოწოდებას, რაზეც პერსონალური მონაცემების დაცვის მოტივით უარს გვეუბნება ადგილობრივი თვითმმართველობა. ეჭვი გვაქვს, რომ ამ ადამიანებიდან, რიგ შემთხვევაში, ზოგი საერთოდ არ არსებობს, ან მათი უმრავლესობა „ქართული ოცნების” მიერ საბიუჯეტო სახსრებით საარჩევნოდ არის მოსყიდული. მოვუწოდებთ ადგილობრივ თვითმმართველობას, სასამართლოშიც გვაქვს საქმე შეტანილი, რომ საკრებულოს წევრი ვალდებულია იცოდეს ამ ადამიანების სახელი და გვარები, ასევე მერიაა ვალდებული, რომ საკრებულოს წევრს მიაწოდოს ამ ადამიანების სია. შევახსენებთ ქალაქის მერს, რომ ეს არ არის კონტრდაზვერვის სამსახურის უფროსი, ის არის ადგილობრივი თვითმმართველობის ხელმძღვანელი და მისი საჯაროდ დასაქმებული ადამიანების სია ვალდებულია მოგვაწოდოს”, - განაცხადა თემურ ცამციშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?