„ჰეზბოლას“ ლიდერი - ბენიამინ ნეთანიაჰუმ ღაზაში ომი წააგო და რაფაჰში შეჭრა ამას ვერ შეცვლის
„ჰეზბოლას“ ლიდერი, ჰასან ნასრალა პირობას დებს, რომ გააგრძელებს ბრძოლას ისრაელის წინააღმდეგ და ამტკიცებს, რომ ისრაელის სამხედროები საიდუმლოდ ინახავენ ჩრდილოეთში მის დანაკარგებს.
”ჩვენი სამხრეთი ფრონტი აგრძელებს მტერზე ზეწოლას ადამიანურ, მატერიალურ, სამხედრო და ეკონომიკურ დონეზე,” - აღნიშნა ნასრალამ.
მისი მტკიცებით, ისრაელის პრემიერ-მინისტრმა ღაზაში ომი წააგო და რაფაში ისრაელის შეჭრა ამას ვერ შეცვლის.
„ხუთთვიანი ბრძოლის შემდეგ ბენიამინ ნეთანიაჰუმ ვერ შეძლო რაიმე გამარჯვების სპექტაკლი წარმოედგინა“, - განაცხადა ჰასან ნასლამან და დასძინა, რომ „ჰამასი“ არ დამარცხებულა და ჯერ კიდევ შეუძლია დააწესოს თავისი პირობები მოლაპარაკებებზე.
„ჰეზბოლას“ ლიდერმა ასევე დაგმო აშშ-ის პოზიცია ისრაელი-ღაზას კონფლიქტის მიმართ და მას "თვალთმაქცური" უწოდა.
„არა მგონია, დედამიწაზე ვინმეს სჯეროდეს, რომ ბაიდენს არ შეუძლია შეაჩეროს ომი ღაზას წინააღმდეგ“, - განაცხადა ჰასან ნასრალამ და დასძინა, რომ ბაიდენს შეუძლია შეაჩეროს ბრძოლა ისრაელისთვის სამხედრო დახმარების შეწყვეტით და ცეცხლის შეწყვეტის შესახებ გაერო-ს უშიშროების საბჭოს რეზოლუციებისთვის დაბრკოლებების არ შექმნით.
