რუსეთის პრეზიდენტი ვლადიმერ პუტინი ჩინეთში ჩავა. ინფორმაციას გამოცემა Reuters 5 სხვადასხვა გამოცემაზე დაყრდნობით ავრცელებს.

მათივე ცნობით, სავარაუდოდ პუტინი ჩინეთში მაისში ჩავა და პრეზიდენტად კიდევ 6 წლით არჩევის შემდეგ ეს მისი პირველი ოფიციალური საგარეო ვიზიტი იქნება.

როგორც ცნობილია, ვლადიმერ პუტინი ორმხრივ შეხვედრას ჩინეთის პრეზიდენტ სი ძინპინთან გამართავს.

ინფორმაცია კრემლს ოფიციალურად ჯერ-ჯერობით არ დაუდასტურებია.

Reuters წერს, რომ პუტინი ჩინეთში მაისის მეორე ნახევარში ჩავა, რადგან რუსეთში პრეზიდენტის ინაუგურაცია 7 მაისს არის დაგეგმილი.