პაკისტანში, ქვანახშირის მაღაროში აფეთქების შედეგად, 12 ადამიანი დაიღუპა, - ამის შესახებ ინფორმაციას სააგენტო Reuters-ი ადგილობრივ ოფიციალურ პირებზე დაყრდნობით ავრცელებს.

„სამაშველო ოპერაცია ახლახან დასრულდა“, - განაცხადა ბელუჯისტანის პროვინციის მაღაროების მთავარმა ინსპექტორმა, აბდულ რაშიდმა.

რაშიდის ცნობით, აფეთქების დროს მაღაროში 20 მაღაროელი იმყოფებოდა, საიდანაც 8 მათგანის გადარჩენა სამაშველო სამუშაოების შედეგად მოხერხდა.

პაკისტანის პრემიერ-მინისტრმა, შეჰბაზ შარიფმა დაღუპულების ოჯახებს სამძიმარი გამოუცხადა.