უკრაინის დაზვერვის მთავარი სამმართველოს წარმომადგენელი -  ვერსია, რომ მოსკოვის ოლქში ტერაქტის შემსრულებლები უკრაინის მიმართულებით გაქცევას ცდილობდნენ, კრიტიკას ვერ უძლებს

ვერსია, რომ მოსკოვის ოლქში ტერაქტის შემსრულებლები უკრაინის მიმართულებით გაქცევას ცდილობდნენ, არანაირ კრიტიკას არ უძლებს, - ამის შესახებ უკრაინის დაზვერვის მთავარი სამმართველოს წარმომადგენელმა, ანდრეი იუსოვმა განაცხადა.

„ამისთვის საჭირო არაა უსაფრთხოების საკითხებში ექსპერტი იყო. ორ წელზე მეტია გრძელდება სრულმასშტაბიანი ომი, საზღვრის მიმდებარე ტერიტორიები სავსეა მტრის სამხედროებით, სპეცაგენტებით, სპეცსამსახურების წარმომადგენლებით, ძალოვნებით. საზღვრის ხაზი დანაღმულია, დაკვირვება ხორციელდება ყველა საშუალებით, მათ შორის აეროდაზვერვით, ორივე მხრიდან. ისეთი ოლქები, როგორც ბელგოროდისა და კურსკის, ახლა საერთოდ აქტიური საბრძოლო ქმედებების ზონაა ბოლო მოვლენების შემდეგ. და, რა თქმა უნდა, ეს ვერსია არანაირ კრიტიკას არ უძლებს. ეს ყველას ესმის მსოფლიოში, გარდა, ალბათ, რუსეთის დაზომბებული მოსახლეობისა”, - განაცხადა იუსოვმა.

მან ასევე აღნიშნა, რომ რუსეთის სპეცსამსახურებს საკუთარ ტერიტორიაზე ტერაქტების ორგანიზების ისტორია აქვთ.

„ახლა ყველა ნიშანი არსებობს იმისა, რომ რუსეთის სპეცსამსახურების სწორედ ასეთ აქტივობასთან გვაქვს საქმე. შემდეგ, საკმაოდ სავარაუდოა, იქნება ისტერიის გამძაფრება, გამკაცრება და სამოქალაქო უფლებებისა და თავისუფლებების თუნდაც ფორმალური ნარჩენების ლიკვიდაცია”, - განაცხადა იუსოვმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა