ვენესუელის ოპოზიციურმა კოალიციამ საპრეზიდენტო კანდიდატის დარეგისტრირება ვერ შეძლო, - ამის შესახებ ინფორმაცია „ერთიანი პლატფორმის“ წარმომადგენელმა, ომარ ბარბოსამ გაავრცელა.

ომარ ბარბოსას ცნობით, ვენესუელის საარჩევნო ადმინისტრაციამ ოპოზიციურ კოალიციას საპრეზიდენტო კანდიდატის, კორინა იორისის სარეგისტრაციო ვადის ამოწურვამდე დარეგისტრირების უფლება არ მისცა.

„ეს ვენესუელელთა უმრავლესობის უფლებების დარღვევას წარმოადგენს, ვისაც სურს, რომ ხმა ცვლილებებს მისცეს“, - განაცხადა ომარ ბარბოსამ.

გასულ პარასკევს, ოპოზიციურმა კოალიციამ კორინა იორისი საპრეზიდენტო კანდიდატად „ერთიანი პლატფორმის“ ლიდერის, მარია კორინა მაჩადოს ნაცვლად მას შემდეგ წარადგინა, რაც ამ უკანასკნელს ვენესუელის უზენაესმა სასამართლომ არჩევნებში მონაწილეობა აუკრძალა.

რამდენიმე საათით ადრე, ქვეყნის მოქმედმა პრეზიდენტმა, ნიკოლას მადურომ თავისი კანდიდატურა ოფიციალურად დაადასტურა.

ცნობისთვის, ვენესუელაში საპრეზიდენტო არჩევნები 28 ივლისს გაიმართება.