საფრანგეთის ეროვნულმა ასამბლეამ მიიღო კანონპროექტი უცხოური ჩარევის წინააღმდეგ ბრძოლის შესახებ, - ინფორმაციას გამოცემა Lemonde ავრცელებს.

გამოცემის ცნობით, კანონპროექტს, რომელიც ემანუელ მაკრონის პარტია „რენესანსმა“ წარადგინა, მხარი 171-მა დეპუტატმა დაუჭირა, წინააღმდეგი კი 25 წავიდა.

კანონპროექტი გარე ჩარევის წინააღმდეგ ბრძოლას საეჭვო აქტივობის მონიტორინგისთვის ალგორითმის გამოყენებას ითვალისწინებს.

ალგორითმზე დაფუძნებული ონლაინ თვალთვალის ტექნიკა საფრანგეთში 2015 წლიდან არსებობს, მაგრამ ჯერჯერობით მხოლოდ პოტენციური „ტერორისტების“ წინააღმდეგ გამოიყენება. ახალი კანონი გააფართოვებს პრაქტიკას, რათა დაადგინოს უცხოურ ჩარევაში მონაწილე პირები ოთხწლიან საცდელ პერიოდში.

კანონი ასევე მოითხოვს იმ ადამიანებისგან, რომლებიც უცხოურ ინტერესებს ლობირებენ, დარეგისტრირდნენ სპეციალურ რეესტრში. ხოლო მათ, ვინც ამას არ გააკეთებს, სანქციები დაუწესდებათ. ეს უცხოური სუბიექტები მოიცავს გარე ძალებს, რომლებიც ევროკავშირს არ განეკუთვნება, ფირმებს, რომელთა ნახევარი ან მეტი უცხო ქვეყნის საკუთრებაშია ან მათ მიერ დაფინანსებულია, და უცხო ქვეყნების პოლიტიკურ პარტიებს. კანონპროექტი ასევე ითვალისწინებს იმ ადამიანების, ფირმების ან ორგანიზაციების ფინანსური აქტივების გაყინვის შესაძლებლობას, რომლებიც გარე ჩარევაში არიან ჩართული.

კანონპროექტს, დასამტკიცებლად, მწვანე შუქი საფანგეთის სენატმაც უნდა აუნთოს.