World Central Kitchen-მა, რომლის 7 წევრი ისრაელის თავდასხმას ემსხვერპლა, რეგიონში მუშაობა შეაჩერა.

„ჩვენ მალე მივიღებთ გადაწყვეტილებებს ჩვენი საქმიანობის მომავალთან დაკავშირებით“, - ნათქვამია არაკომერციული ორგანიზაციის განცხადებაში.

ორგანიზაციის აღმასრულებელი დირექტორის, ერინ გორის თქმით, შეძრწუნებულია მათი თანამშრომლების დაღუპვის გამო, რომლებიც „ისრაელის თავდაცვის ძალების მიზანმიმართულ თავდასხმას ემსხვერპლნენ“. მისი განმარტებით, თავდასხმის დროს World Central Kitchen-ის თანამშრომლები გადაადგილდებოდნენ ავტომობილით, რომელზედაც ორგანიზაციის ლოგო იყო გამოსახული.

„ეს არ არის მხოლოდ World Central Kitchen-ზე თავდასხმა, ეს არის თავდასხმა ჰუმანიტარულ ორგანიზაციებზე, რომლებიც ჩნდებიან ყველაზე მძიმე სიტუაციებში, როდესაც საკვები გამოიყენება ომის იარაღად. ეს უპატიებელია“, - აღნიშნა ერინ გორმა.

World Central Kitchen-ის ინფორმაციით, თავდასხმას მათი გუნდის 7 წევრი ემსხვერპლა, რომლებიც ავსტრალიის, პოლონეთის, გაერთიანებული სამეფოს, აშშ-ის, კანადისა და პალესტინის მოქალაქეები არიან.

ცნობისთვის, მანამდე ვრცელდებოდა ინფორმაცია 5 დაღუპულის შესახებ.