სერბეთს საფრანგეთთან თავდაცვის სფეროში თანამშრომლობის განვითარება სურს, - ამის შესახებ სერბეთის პრეზიდენტმა, ალექსანდერ ვუჩიჩმა განაცხადა.

როგორც ვუჩიჩმა აღნიშნა, 8 აპრილს, საფრანგეთში, ემანუელ მაკრონთან შეხვედრისას თავდაცვის სფეროში თანამშრომლობის საკითხებს განიხილავს.

„ერთ-ერთი თემა სპეციალური დანიშნულების ინდუსტრიის სფეროში თანამშრომლობა იქნება“, - განაცხადა სერბეთის პრეზიდენტმა.

ასევე, ვუჩიჩმა განაცხადა, რომ სერბეთს ფრანგული Rafale-ს საბრძოლო თვითმფრინავების შეძენა სურს.