გერმანიის ელჩი - თავისუფლება, დემოკრატია და დამოუკიდებლობა ჩვენთვის, ყველასთვის მუდმივი ვალდებულებებია
დღეს ვიხსენებთ ქართველებს, რომლებიც იბრძოდნენ და დაზარალდნენ თავისუფლებისთვის, დემოკრატიისა და დამოუკიდებლობისთვის, - ამის შესახებ საქართველოში გერმანიის ელჩმა ერნსტ პეტერ ფიშერმა განაცხადა, რომელიც დღეს 9 აპრილის მემორიალთან მივიდა და საქართველოს ერთიანობისთვის დაღუპულთა ხსოვნას პატივი მიაგო.
„ეს მოხდა გერმანიაში ბერლინის კედლის დანგრევამდე ნახევარი წლით ადრე. ასე რომ, თქვენ იბრძოდით დემოკრატიისა და დამოუკიდებლობისთვის ისე, როგორც ჩვენ ამას გერმანიაში ვაკეთებდით. თავისუფლება, დემოკრატია და დამოუკიდებლობა ჩვენთვის, ყველასთვის მუდმივი ვალდებულებებია“, - აღნიშნა ელჩმა.
