წინანდლის მამულში საგაზაფხულო სეზონი კულტურული ღონისძიებებით გაიხსნა

წინანდლის ისტორიულ მამულში, საგაზაფხულო სეზონი გრაფიკოსის, ფერმწერის, თეატრის მხატვრის კირილ ზდანევიჩის გამოფენით გაიხსნა. ღონისძიებაზე, სამხატვრო აკადემიასა და სილქ როუდ ჯგუფს შორის, ხელი მოეწერა ურთიერთთანამშრომლობის მემორანდუმს, რომელიც სხვადასხვა სახის კულტურულ-საგანმანათლებლო ღონისძიებების ერთობლივ გამართვასა და ხელოვნების პოპულარიზაციას ითვალისწინებს.

„ძალიან ბედნიერი ვარ დღეს, რომ ვიმყოფებით ამ ისტორიულ მამულში და ხელს ვაწერთ თანამშრომლობის მემორანდუმს, რომელიც ჩვენი ქვეყნის განვითარებას, ახალგაზრდების ხელშეწყობას ემსახურება. აქ ერთმანეთს ხვდება ისტორია და მომავალი. მე მჯერა, რომ ეს არის შესანიშნავი დასაწყისი უამრავი იდეის განსახორციელებლად, რომელიც ახალგაზრდებიდან მოდის და სიმბოლურია, რომ ეს თანამშრომლობა ამ მუზეუმში იწყება კირილ ზდანევიჩის არაჩვეულებრივი გამოფენის გახსნით.“ - ყარამან ქუთათელაძე - სამხატვრო აკადემიის რექტორი - კირილ ზდანევიჩის შთამომავალი.

კირილ ზდანევიჩის გამოფენას ორი თვის განმავლობაში უმასპინძლებს ისტორიული მამული, რომელიც სილქ როუდ ჯგუფის ხელშეწყობით, საერთაშორისო მნიშვნელობის განათლებისა და ხელოვნების ცენტრის ფუნქციას ინარჩუნებს. გამოფენაზე წარმოდგენილი ნამუშევრები გივი ფარასტაშვილის კერძო კოლექციის ნაწილია.

„სამხატვრო აკადემიასთან თანამშრომლობა, კიდევ ერთ მნიშვნელოვან ასპექტს შემატებს წინანდლის კომპლექსის საქმიანობას. მაშინ როდესაც კირილ ზდანევიჩის ნამუშევრები წინანდალშია წარმოდგენილი, ვენეციის მესამოცე საიუბილეო ბიენალეზე ილია ზდანევიჩის შემოქმედებას დაეთმობა ქართული პავილიონი. ეს ჩვენი თანამშრომლობის სასიამოვნო და სიმბოლური დასაწყისია“ - გიორგი რამიშვილი- სილქ როუდ ჯგუფისა და სილქნეტის დამფუძნებელი.

კირილ და ილია ზდანევიჩები მეოცე საუკუნის ქართული მხატვრობის უმნიშვნელოვანესი ფიგურები იყვნენ. მათ დიდი წვლილი მიუძღვით ნიკო ფიროსმანის აღმოჩენის და პოპულარიზაციის საქმეში. ძმებმა შეუწყვეს ხელი საქართველოში მოდერნისტული მიმართულების დამკვიდრებას და მე-20 საუკუნის ხელოვნების განვითარებას.

წინანდლის მამულში გამოფენების სერია სილქნეტის თანადგომით გრძელდება. კომპანია არაერთი კულტურული ღონისძიების მხარდამჭერია. მათ შორის განსაკუთრებული მნიშვნელობისაა წინანდლის კლასიკური მუსიკის ფესტივალი, რომელსაც ისტორიულ მამულში სილქნეტი წელს უკვე მეექვსედ წარადგენს.

(R)

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა