მთავრობის ადმინისტრაციასთან, ინგოროყვას ქუჩაზე, ინციდენტი მოხდა.

აქციის მონაწილეებმა ალყაში მოაქციეს და გადაადგილების საშუალება არ მისცეს ჯიპს, რომელიც მათივე აზრით, სამთავრობო ავტომანქანა იყო, ვინაიდან "დაბურული მინები ჰქონდა".

აქციის მონაწილეებმა ავტომანქანას წყალი შეასხეს.

მთავრობის ადმინისტრაციასთან აქცია ამ დრომდე გრძელდება. მომიტინგეებმა მთავრობის სახლთან პარლამენტიდან გადაინაცვლეს და პრემიერ-მინისტრ ირაკლი კობახიძესთან შეხვედრას მოითხოვენ.