რუსთავში, „ნაციონალური მოძრაობის“ ფრაქცია, საკრებულოს თანამდებობებზე გამოცხადებულ დოღში მონაწილეობას არ იღებს, - ასე გამოეხმაურა „ერთიანი ნაციონალური მოძრაობის“ აღმასრულებელი მდივანი, დავით კირკიტაძე „გახარიას“ გუნდის განცხადებას.

მისივე განცხადებით, ბექა ლილუაშვილმა „ნაციონალური მოძრაობის“ პოზიცია იცის და უკვირს, „რატომ ატყუებს ის ხალხს?“

„რუსთავში, „ნაციონალური მოძრაობის“ ფრაქცია, საკრებულოს თანამდებობებზე გამოცხადებულ დოღში მონაწილეობას არ იღებს. ჩვენი პოზიცია ბექა ლილუაშვილმა იცის და მიკვირს რატომ ატყუებს ხალხს? ასე რომ ძველო და ახალო „ქოცებო“, დაგიჭამიათ ერთმანეთი! თქვენ ორივე პოლიტიკური ჯგუფი მარტო მაგ საქმეზე ხართ მაინც“,- წერს დავით კირკიტაძე სოციალურ ქსელში.