ურმას პაეტი -  საქართველოს მთავრობის ქმედებები აჩვენებს, რომ ის არ უყურებს სერიოზულად ევროკავშირში გაწევრიანების ამბიციას

„უცხოური აგენტების შესახებ“ კანონის მიღებით, მისი მოქალაქეების მხრიდან უზარმაზარი პროტესტის მიუხედავად, საქართველოს მთავრობა იყენებს რუსულ პრაქტიკას, მოახდინოს ზეწოლა სამოქალაქო საზოგადოებაზე და ნებისმიერზე, ვინც მთავრობის ქმედებებს აკრიტიკებს, - ამის შესახებ ევროპარლამენტარმა ურმას პაეტმა ევროპარლამენტის პლენარულ სხდომაზე განაცხადა, სადაც საქართველოს პარლამენტში „უცხოური გავლენის გამჭვირვალობის შესახებ” კანონპროექტის წარდგენასთან დაკავშირებით დებატები მიმდინარეობს.

მისი თქმით, საქართველოს მთავრობამ ფოკუსირება უნდა მოახდინოს ყველა ზომის დაუყოვნებლივ განხორციელებაზე, რომელიც საჭიროა იმისთვის, რომ საქართველომ ევროკავშირში გაწევრიანებისკენ წინსვლა განაგრძოს.

„ეს კანონი არის უკანასკნელი ბოლოდროინდელი ქმედებებიდან, მათ შორის ჟურნალისტების, პოლიტიკური ოპონენტების, როგორიცაა სააკაშვილი, დევნა, დეზინფორმაციის გავრცელება ევროკავშირის შესახებ. საქართველოს მთავრობის ქმედებები აჩვენებს, რომ ის არ უყურებს სერიოზულად ევროკავშირში გაწევრიანების ამბიციას. საქართველოს მთავრობამ ფოკუსირება უნდა მოახდინოს ყველა ზომის დაუყოვნებლივ განხორციელებაზე, რომელიც საჭიროა იმისთვის, რომ საქართველომ ევროკავშირში გაწევრიანებისკენ წინსვლა განაგრძოს, რასაც ქართველი ხალხის დიდი უმრავლესობა უჭერს მხარს. სამწუხაროდ, ეს კანონი ხელს შეუშლის ევროკავშირში გაწევრიანებაზე საქართველოს განაცხადს. ქართველ ხალხს მხარი უნდა დავუჭიროთ, ევროპული მისწრაფებების განხორციელებაში და იმაში, რომ იცხოვრონ ქვეყანაში, სადაც არ იქნება კორუფცია და ფუნდამენტური თავისუფლება დაცული იქნება“, - აღნიშნა ევროპარლამენტარმა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა