დიდი სიამოვნებით დაველოდები, რა სანქციას დამადებენ, - ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ განაცხადა, როდესაც უპასუხა მედიის კითხვას, ელოდება თუ არა სანქცირებას „უცხოური გავლენის გამჭვირვალობის შესახებ“ კანონპროექტის მხარდაჭერის გამო.

მდინარაძის თქმით, ეს მსოფლიოში პირველი პრეცედენტი იქნება.

„მსოფლიოში პირველი პრეცედენტი იქნება კანონის ინიცირებისა და მხარდაჭერისათვის რომ დაასანქცირებენ ადამიანს. დიდი სიამოვნებით დაველოდები, რა სანქციას დამადებენ ამასთან დაკავშირებით, რომ მსოფლიოში პირველი პრეცედენტი იყოს, რომ კანონმდებელი კანონის ინიცირებისთვის დაასანქცირეს“, - აღნიშნა მამუკა მდინარაძემ.