გიორგი დუნდუას ნამუშევრების პერსონალური გამოფენა „ქაოსის სიმღერა“ გაიმართება

10 მაისს, 19:00 საათიდან 1-ელ ივნისამდე მხატვრის, პოეტის, გიორგი დუნდუას აბსტრაქტულ ნამუშევართა გამოფენა „ქაოსის სიმღერა“ გაიმართება.

ორგანიზატორების ინფორმაციით, გამოფენა 10 მაისს, 19:00 საათზე გაიხსნება.

„Tgallery წარმოგიდგენთ მხატვრის, პოეტის, გიორგი დუნდუას აბსტრაქტულ ნამუშევართა გამოფენას „ქაოსის სიმღერა“.

გიორგი დუნდუა 20 წელზე მეტია დამოუკიდებელი არტისტია, სწავლობდა თოიძის სახელობის სამხატვრო ლიცეუმში, დაამთავრა თბილისის სამხატვრო აკადემია, ასევე ჰამბურგისა და ბერლინის დიზაინის ინსტიტუტები.

გიორგი დუნდუამ 20 წელზე მეტი გერმანიაში გაატარა და არაერთ პროექტში მიიღო მონაწილეობა, ერთ-ერთი ასეთია ბერლინის მთავარი სიმბოლოს „ბერლინის დათვის“ მოხატვა.

2020 წელს მხატვარი თბილისში დაბრუნდა და სამშობლოში განაგრძობს მოღვაწეობას.

2023 წლის მაისში სახელოსნოში გაჩენილმა ხანძარმა გაანადგურა მისი ასამდე ნამუშევარი, რის შემდეგაც გიორგი დუნდუამ ერთგვარი ტრანსფორმაცია განიცადა და აქტიურად დაიწყო ლექსების წერა.

მხატვრის ნამუშევრები ძირითადად აბსტრაქტული ექსპრესიონიზმია, მისი ნახატები გამორჩეულია არა მხოლოდ ფერითა და ფორმით არამედ ხასიათით, განწყობითა და ემოციით. თითოეულ ნახატს თავის სახელი, ფილოსოფია და ისტორია აქვს“,-აღნიშნულია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია