ყველამ იცის რა უნდა გაკეთდეს ევროკავშირის წევრობისთვის. უნდა დააკმაყოფილოთ სტანდარტი - ეს არის მოკლე ფორმულა და აღნიშნული კანონი არ აკმაყოფილებს სტანდარტს. ამ კანონით რთული იქნება ევროკავშირთან მოლაპარაკებების დაწყება და ევროკავშირში გაწევრიანება,- ამის შესახებ საქართველოში გერმანიის ელჩმა პეტერ ფიშერმა „ინტერპრესნიუსის“ კითხვის საპასუხოდ განაცხადა.

ამას, დიპლომატის განცხადებით, მხოლოდ საქართველოსა და მის ხელისუფლებაზე დამოკიდებული აღნიშნულ კანონპროექტთან დაკავშირებით გადაწყვეტილების მიღება.

„დღეს ევროპის დღეს აღვნიშნავთ. ევროპა არის 27 სუვერენული ქვეყნის გაერთიანება, მაგრამ ისინი გაერთიანებულები არიან განსაკუთრებული სახის კავშირით. ჩვენი დევიზია ერთიანობა და მრავალფეროვნება. ეს არის ღია, გულუხვი თავისუფალი სივრცე. თუმცა ჩვენ გვაერთიანებს მშვიდობის სურვილი, დემოკრატიისა და კანონის უზენაესობის სურვილი და საზოგადოების კარგი, ბედნიერი განვითარება. საქართველოსაც მოსწონს ეს, ვფიქრობ, რომ საქართველოს ევროკავშირი უყვარს და ჩვენ გვიყვარს საქართველო. საქართველო არის კანდიდატი ქვეყანა, მას შეუძლია შეუერთდეს ევროკავშირს, მაგრამ ამისთვის თქვენ უნდა დააკმაყოფილოთ სტანდარტი. სწორედ ეს არის, რასაც განვიხილავთ საქართველოსთან და ვფიქრობ, მიზანს მივაღწევთ. საქართველომ ევროკავშირის წევრობაზე განაცხადი შეიტანა და მიიღო კანდიდატის სტატუსი. ეს ჩაწერილია თქვენს კონსტიტუციაში. ყველამ იცის, რა უნდა გაკეთდეს ევროკავშირის წევრობისთვის. უნდა დააკმაყოფილოთ სტანდარტი - ეს არის მოკლე ფორმულა და აღნიშნული კანონი არ აკმაყოფილებს სტანდარტს. ასე რომ საქართველოსა და მის ხელისუფლებაზეა დამოკიდებული გადაწყვეტილება, რას გააკეთებენ აღნიშნულ კანონთან დაკავშირებით. მაგრამ ამ კანონით რთული იქნება ევროკავშირთან მოლაპარაკებების დაწყება და ამ სახის კანონით რთული იქნება ევროკავშირში გაწევრიანება“, - განაცხადა პეტერ ფიშერმა.