მაიკლ როთი - მთავრობამ ჩვენთან საუბარზე უარი განაცხადა, მხოლოდ ნიკოლოზ სამხარაძემ მიგვიღო „ქართული ოცნების“ ოფისში - ჩვენ აქ სასწავლებლად არ ვართ, ჩვენ აქ იმისთვის ვართ, რომ ერთმანეთს მოვუსმინოთ

საქართველოს მთავრობამ ჩვენთან საუბარზე უარი განაცხადა, - ამის შესახებ საქართველოში ვიზიტით მყოფი გერმანიის პარლამენტის (ბუნდესტაგის) საგარეო ურთიერთობათა კომიტეტის თავმჯდომარე, მაიკლ როთი სოციალურ ქსელში წერს.

„საქართველოს მთავრობამ ჩვენთან საუბარზე უარი განაცხადა. ჩვენ აქ სასწავლებლად არ ვართ, ჩვენ აქ იმისთვის ვართ, რომ ერთმანეთს მოვუსმინოთ. მხოლოდ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ მიგვიღო, მან არა პარლამენტში, არამედ „ქართული ოცნების“ ოფისში გვიმასპინძლა“, - წერს მაიკლ როთი X-ზე.

მაიკლ როთმა ჩეხეთის, პოლონეთის, ლიეტუვისა და ფინეთის პარლამენტების საგარეო საქმეთა კომიტეტების თავმჯდომარეებს მასთან ერთად თბილისში ვიზიტისთვის მადლობა გადაუხადა.

„დიდი მადლობა ჟიგიმანტას პავილიონისს, ბოგდან კლიხს, პაველ ფიშერსა და სებასტიან ტინკინენს რომ თბილისში ჩვენს ვიზიტს შემოუერთდნენ. ჩვენ სხვადასხვა პარტიებს, ქვეყნებს, ტრადიციებსა და რწმენებს წარმოვადგენთ. მაგრამ ყველანი საქართველოს მეგობრები ვართ. ჩვენ ყველა მამაცი ქართველის გვერდით ვდგავართ, ვინც თავისუფლებისა და დემოკრატიის მხარდასაჭერად დემონსტრაციებში მონაწილეობს“, - აღნიშნა მაიკლ როთმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024