მინდა ყველას შევახსენო, რომ საქართველოს მთავრობა არ იღებს გადაწყვეტილებას 2030 წელს საქართველო გახდება თუ არა ევროკავშირის წევრი. იმედი გვაქვს, რომ მთავრობა ამ სულით ავადმყოფ კანონმდებლობას შეაჩერებს, - ამის შესახებ ფინეთის პარლამენტის საგარეო საქმეთა კომიტეტის წევრმა, სებასტიან ტინკინენმა სხვა ევროპელ კოლეგებთან ერთად საქართველოში ვიზიტის დროს განაცხადა.

“სამწუხაროდ, ბევრი ტყუილი იყო “ქართული ოცნების” მხრიდან. ერთ-ერთი ის არის, რომ ამბობენ, საქართველო ნამდვილად იქნება ევროკავშირის წევრი ქვეყანა 2030 წელსო, მაგრამ ამ კანონპროექტის მიღებით, რომელიც დღეს ვნახეთ, სამწუხაროდ, შესაძლებელი არ იქნება, რომ ქვეყანა ამ მიმართულებით წავიდეს. მინდა ყველას შევახსენო, რომ სინამდვილეში საქართველოს მთავრობა არ იღებს გადაწყვეტილებას 2030 წელს საქართველო გახდება თუ არა ევროკავშირის წევრი, არამედ ამ გადაწყვეტილებას ევროკავშირის წევრი ქვეყნები მიიღებენ და წევრ სახელმწიფოებს ჩვენ წარმოვადგენთ და ჩვენ ახლავე შეგვიძლია ვთქვათ, რომ ეს აბსოლუტურად შეუძლებელი იქნება, თუ ეს არის გზა, რომელიც [საქართველოს] მთავრობამ აირჩია. ასე რომ, ჩვენი ძლიერი მესიჯი არის ის, რომ იმედი გვაქვს, პრეზიდენტი ვეტოს უფლებას გამოიყენებს და ამის შემდეგ იმედი გვაქვს, რომ მთავრობა ამ სულით ავადმყოფ კანონმდებლობას შეაჩერებს. ასევე არსებობს სხვა პრობლემური კანონმდებლობები, მაგალითად LGBT კანონმდებლობა, რომელიც ასევე ეწინააღმდეგება ევროკავშირის ღირებულებებს,” - განაცხადა ტინკინენმა.