პარტიებს შესაძლებლობა ეძლევათ, საარჩევნო სიების ფორმირების დროს, ესა თუ ის დეპუტატობის კანდიდატი მუნიციპალიტეტის დელეგატად განსაზღვრონ.

პარლამენტმა მესამე მოსმენით, ფრაქცია „ქართული ოცნების“ პროექტი მიიღო, რომლის თანახმად, პარტიას უფლება ექნება, პარტიული სიის შედგენისას, პარლამენტის წევრობის კანდიდატი საარჩევნო ოლქის ტერიტორიაზე რეგისტრირებულ ამომრჩეველთა დელეგატად განსაზღვროს.

პარლამენტის წევრობის კანდიდატი შესაძლებელია მხოლოდ ერთი საარჩევნო ოლქის ტერიტორიაზე რეგისტრირებული ამომრჩეველი დელეგატი იყოს. ასეთ შემთხვევაში, პარტიულ სიაში პარლამენტის წევრობის კანდიდატის გასწვრივ იმ საარჩევნო ოლქის ნომერი მიეთითება, რომელი საარჩევნო ოლქის ამომრჩეველთა დელეგატადაც ის იქნება წარდგენილი.

აღნიშნულ ინიციატივას “ქართული ოცნება“ მაჟორიტარების ინსტიტუტის გაუქმებით ხსნის.

პარლამენტმა “საარჩევნო კოდექსში“ ცვლილებები 81-ხმით (1 - წინააღმდეგი) დაამტკიცა.