კახა კალაძე - დარწმუნებული ვარ, ჩვენ გვაქვს შანსი იმისა, რომ მოვიპოვოთ კონსტიტუციური უმრავლესობა

„ქართული ოცნების“ გენერალური მდივნის, კახა კალაძის განცხადებით, თუკი ოპოზიცია ერთიან საარჩევნო სიებს შექმნის და ამით ერთ პლატფორმაზე იქნებიან წარმოდგენილი, ამ ფაქტს მმართველი პარტია მხოლოდ და მხოლოდ მიესალმება. აღნიშნულის შესახებ კალაძემ ჟურნალისტებს კითხვის საპასუხოდ განუცხადა.

„თუ ისინი მოახერხებენ და ერთ პლატფორმაზე იქნებიან წარმოდგენილი, ამას მხოლოდ მივესალმებით. ჩვენ იმას ვამბობდით, რომ ისინი ერთნი არიან, არაფრით განსხვავდებიან. შეიძლება დღეს რაღაც ახალი პოლიტიკური პარტია შექმნან, სხვა სახელი დაირქვან, მაგრამ შინაარსობრივად ეს ადამიანები ერთნი არიან და ეს კონკრეტული ფაქტი (ერთიანი საარჩევნო სიის შესაძლო შექმნა) მეტყველებს იმაზე, რასაც ჩვენ ვამბობდით. ამას ჩვენ მხოლოდ მივესალმებით იმიტომ, რომ საზოგადოებამ რეალურად უნდა იცოდეს, ვინ არიან ეს ადამიანები", - განაცხადა კალაძემ.

გარდა ამისა, კალაძეს ჰკითხეს იმის შესახებ, რომ „ნაციონალურ მოძრაობაში“ შესაძლო ფინანსური კრიზისია.

„არ ვიცი, „ნაციონალური მოძრაობის“ ფინანსები ნამდვილად არ მაინტერესებს. ჩვენ პარალელურად დაწყებული გაქვს არჩევნებისთვის მზადება. მნიშვნელოვანია საარჩევნო კამპანია ჩავატაროთ ისე, რომ ჩვენი ქვეყნის მოსახლეობამ იცოდეს, რეალობა, რა ხდება ქვეყანაში ზოგადად, რის გაკეთებას ვაპირებთ სამომავლოდ და მე დარწმუნებული ვარ, რომ ქვეყნის მოსახლეობის უმრავლესობის მხარდაჭერით ჩვენ გვაქვს შანსი იმისა, რომ მოვიპოვოთ კონსტიტუციური უმრავლესობა“, -განაცხადა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024