ღია ბანკინგის განვითარებით „პეისერა ბანკი საქართველო“ ქართულ საბანკო ბაზარზე ახალ გამოცდილებას ნერგავს. აღნიშნულის შესახებ „პეისერა ბანკი საქართველოს“ გენერალურმა დირექტორმა დიმიტრი ქუმსიშვილმა „პალიტრანიუსის“ ეთერში განაცხადა. ღია ბანკინგში ჩართვა კომერციულ ბანკებს საბანკო ასოციაციის დახმარებით შეუძლიათ.

„საბანკო ასოციაცია არის გაერთიანება, რომელიც კომერციული ბანკების სახელით საუბრობს რეგულატორთან, ასევე, განიხილავს ყველა იმ საჭირ-ბოროტო საკითხს, რომელიც დღეს საქართველოს საბანკო სექტორშია დაგროვებული. გარდა ამისა, დღეს საბანკო ასოციაცია ახალი ტექნოლოგიის განვითარებაში მხარდაჭერას გვთავაზობს. ეს გახლავთ ღია ბანკინგის მიმართულება. საბანკო ასოციაციაში შექმნილია ღია ბანკინგის მიმართულება, რომლის მეშვეობითაც, კომერციულ ბანკს შეუძლია მიიღოს შესაბამისი დოკუმენტაცია, გააკეთოს იმპლემენტაცია და აიღოს სერტიფიკატი, რომელიც მას ღია ბანკინგის განვითარების შესაძლებლობას მისცემს. აღნიშნული მიმართულება ჩვენთვის ძალიან მნიშვნელოვანია. ამ ნაწილში „პეისერა ბანკი საქართველო“ დიდ ცოდნას შემოიტანს ქართულ ბაზარზე, რადგან ჯგუფის დონეზე ჩვენ ამას უკანასკნელი 6 წლის განმავლობაში ვაკეთებთ“, - აცხადებს დიმიტრი ქუმსიშვილი.

(R)