დავით ქაცარავა საჯარო მოხელეებსა და პოლიციელებს მიმართავს, რომ დადგა დრო, მიიღონ გადაწყვეტილება, თუ რომელ მხარეზე დგანან

„ანტისაოკუპაციო მოძრაობის“ წევრი დავით ქაცარავა საჯარო მოხელეებსა და პოლიციელებს მიმართავს, რომ დადგა დრო, მიიღონ გადაწყვეტილება, თუ რომელ მხარეზე დგანან.

ქაცარავა მიმართვას სოციალურ ქსელში ავრცელებს და მათ ხალხის მხარეს დგომისკენ მოუწოდებს.

„მინდა მივმართო ყველას, განსაკუთრებით კი საჯარო სამსახურში მყოფ საჯარო მოხელეებს, ვისთვისაც სიტყვა „საქართველო“ და სიტყვა „სამშობლო“ ოლიგარქის ბინძურ ფულზე მეტს ნიშნავს.

მინდა მივმართო ჩვენს ქართველ პოლიციელებს. მათ, ვისაც მე დიდ პატივს ვცემ, მათ, ვინც რუსებთან ომის დროს უკან არ დაიხია, მათ, ვისაც ვიცი - რუსეთის იმპერია ჩემზე ნაკლებად არ სძულს.

ძმებო, მე არ ვიცი, რა ტყუილებს გიყვებიან რუსი პროპაგანდისტები ყაზარმებში, მაგრამ თუ რუსული ოცნების მთავრობას ამ კანონის მიღებას შევარჩენთ, ყოველი თქვენგანის, თქვენი ოჯახის წევრების სიცოცხლე გაუარესდება როგორც მატერიალურად, ასევე სამართლებრივად.

ჩვენი ბრძოლა დღეს თქვენი ბრძოლაა, თქვენთვის ბრძოლაა, ჩვენი საერთო სამშობლოს, საქართველოს თავისუფლებისთვის, დამოუკიდებლობისთვის, თქვენი და თქვენი შვილების მომავლისთვის ბრძოლაა.

დადგა დრო, ყოველმა თქვენგანმა მიიღოს გადაწყვეტილება, რომელ მხარეზე დგას.

დაუსვით თქვენს თავს კითხვა: ვის მხარეზე ვარ - ვახტანგ გორგასლის, დავით აღმაშენებლის, სამასი არაგველის, ქართველი იუნკრების, მერაბ კოსტავას, ზვიად გამსახურდიას, აფხაზეთის ომის გმირების, გიორგი ანწუხელიძის, უკრაინაში მებრძოლი ქართველი გმირების თუ - კოლექტიური ბერბიჭაშვილების მხარეზე?

დაუსვით თქვენს თავს კითხვა: ვინ ვარ - ქართველი პოლიციელი თუ რუსული ძალის მსახური?

ბიჭებო, ჩემო ძმებო, გაიხსენეთ პოლიციელის ფიცი, დაიცავით ის, რაც იქ წერია: ადამიანის უფლებები, კანონიერების პრინციპები, არ დაუშვათ დისკრიმინაცია, დაიცავით კონსტიტუცია იმ პარლამენტისგან, რომელმაც ის დაარღვია, ემსახურეთ მხოლოდ სამშობლო საქართველოს და საზოგადოებას.

დადექით ხალხის მხარეს, ერთად შევაჩეროთ მცოცავი ოკუპაცია, ერთად ავაშენოთ დამოუკიდებელი, ძლიერი, თავისუფალი საქართველო.

დავდგეთ ერთად და ვერცერთი მტერი ვერ დაგვამარცხებს.

იმიტომ, რომ ძალა ერთობაშია!

იმიტომ, რომ ბრძოლას ყოველთვის აქვს აზრი!“, - წერს დავით ქაცარავა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი