ვლადიმერ პუტინმა რუსეთის სახელმწიფო საბჭოს მდივნის თანამდებობაზე ალექსეი დიუმინი დანიშნა

რუსეთის პრეზიდენტმა ვლადიმერ პუტინმა რუსეთის სახელმწიფო საბჭოს მდივნის თანამდებობაზე ალექსეი დიუმინი დანიშნა, - ამის შესახებ ინფორმაცია კრემლის ვებგვერდზე გამოქვეყნდა.

„რუსეთის ფედერაციის სახელმწიფო საბჭოს მდივნად დაინიშნოს რუსეთის ფედერაციის პრეზიდენტის თანაშემწე, ა.გ. დიუმინი“. - ნათქვამია ვლადიმერ პუტინის მიერ ხელმოწერილ განკარგულებაში.

51 წლის ალექსეი დიუმინი წარსულში ვლადიმერ პუტინის პირადი მცველი იყო, ხოლო 2016 წლიდან ტულის ოლქის გუბერნატორის თანამდებობას იკავებდა, რომელიც მან რამდენიმე კვირის წინ დატოვა და რუსეთის პრეზიდენტის თანაშემწედ დაინიშნა.

ალექსეი დიუმინამდე რუსეთის სახელმწიფო საბჭოს მდივნის თანამდებობა იგორ ლევიტინს ეკავა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი