სტამბოლში, ქართველი და აფხაზი მონაწილეებისაგან შემდგარი საკოორდინაციო მექანიზმის მე-16 შეხვედრა გაიმართა

29 მაისს, სტამბოლში, ქართველი და აფხაზი მონაწილეებისაგან შემდგარი საკოორდინაციო მექანიზმის მე-16 შეხვედრა გაიმართა.

წითელი ჯვრის ინფორმაციით, შეხვედრის მიზანია 1992-93 წლების აფხაზეთის შეიარაღებულ კონფლიქტთან დაკავშირებით და მის შემდგომ პერიოდში უგზო-უკვლოდ დაკარგული 1860 პირის მოძიება.

შეხვედრას, როგორც ნეიტრალური შუამავალი, წითელი ჯვრის საერთაშორისო კომიტეტი (ICRC) თავმჯდომარეობდა.

მონაწილეებმა განიხილეს 2023 წლის დეკემბერში გამართული საკოორდინაციო მექანიზმის ბოლო შეხვედრის შემდგომ განხორციელებული საქმიანობა. დისკუსიისას ხაზგასმით აღინიშნა დამატებითი ინფორმაციის მოძიების საჭიროება სავარაუდო სამარხების შესახებ და ამოცნობის პროცესთან დაკავშირებული გამოწვევები ადამიანების გაუჩინარებიდან 30 წლის შემდეგ.

„მას შემდეგ, რაც საკოორდინაციო მექანიზმი შეიქმნა, 526 ადამიანის ნეშტი იქნა მოძიებული და ექსჰუმირებული. აქედან, 285 ამოცნობილია და გადაეცა ოჯახებს ღირსეულად დასაკრძალად, - აღნიშნა კავკასიაში ICRC-ის დესპანმა უგზო-უკვლოდ დაკარგული პირების საკითხებში, ანიეს ქოთუმ, რომელიც შეხვედრის თავმჯდომარე იყო.

„თუმცა, 1860 ადამიანი კვლავ უგზო-უკვლოდაა დაკარგული. მონაწილეთა შორის არსებული დიალოგი, რომელიც საკოორდინაციო მექანიზმის ჰუმანიტარულ პრინციპებს ეფუძნება, კრიტიკულად მნიშვნელოვანია შემდგომი პროგრესისათვის და უგზო-უკვლოდ დაკარგული ადამიანების ოჯახებისთვის პასუხის გასაცემად”, - აღნიშნა ანიეს ქოთუმ.

„საერთაშორისო ჰუმანიტარული სამართლის თანახმად, უგზო-უკვლოდ დაკარგული ადამიანების ოჯახებს აქვთ უფლება იცოდნენ, რა ბედი ეწიათ მათ ახლობლებს. 1992-93 წლების აფხაზეთის შეიარაღებულ კონფლიქტთან დაკავშირებით და მის შემდგომ პერიოდში უგზო-უკვლოდ დაკარგული პირების მოძიების საკითხებზე მომუშავე საკოორდინაციო მექანიზმი 2010 წელს შეიქმნა ICRC-ის ეგიდით.

ICRC, როგორც ნეიტრალური ჰუმანიტარული ორგანიზაცია, მხარს უჭერს მექანიზმს, მათ შორის, ცოდნისა და გამოცდილების გაზიარების კუთხით“, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024