კახა კალაძე - წარმოგვიდგინეს 9-პუნქტიანი გეგმა, რომელზე მუშაობაც ზაფხულში დასრულდება - საქართველო ყველაფერს გააკეთებს ევროკავშირისკენ მიმავალ  გზაზე, მერე ბურთი იქნება მათ მხარეს მოლაპარაკებების გახსნასთან დაკავშირებით

წარმოგვიდგინეს 9-პუნქტიანი გეგმა, რომელზეც, ძალიან მალე, უკვე ზაფხულში დასრულებული [იქნება მუშაობა] და შესრულებული იქნება ყველა პუნქტი. ეს არის იმისთვის, რომ გაიხსნას მოლაპარაკებები. საქართველო ყველაფერს გააკეთებს ამ გზაზე და რა თქმა უნდა, ბურთი იქნება იმათ მხარეს მოლაპარაკებების გახსნასთან დაკავშირებით, - ამის შესახებ თბილისის მერმა კახა კალაძემ ჟურნალისტებს განუცხადა, რითაც გამოეხმაურა საქართველოში გერმანიის ელჩის, პიტერ ფიშერის განცხადებას, რომ „უცხოური გავლენის გამჭვირვალობის შესახებ“ კანონით ევროკავშირში გაწევრიანების მოლაპარაკებები არ გაიხსნება.

კალაძის თქმით, საქართველო არის დამოუკიდებელი, სუვერენული სახელმწიფო. საქართველოს მოსახლეობამ მიიღო გადაწყვეტილება და აირჩია პარლამენტში უმრავლესობა „ქართული ოცნების“დეპუტატების სახით.

მისვე განმარტებით, უმრავლესობის პირდაპირი მოვალეობაა მიიღონ კანონები, რომელიც სჭირდება ქვეყანას, ქვეყნის მომავალს და ქვეყნის განვითარებას, ქვეყანაში მშვიდობის და სიმშვიდის შენარჩუნებას, ეკონომიკურ წინსვლას და აღმშენებლობას.

„შესაბამისად, აბსოლუტურად გაუგებარია გარედან მოწოდებები, რატომ არ უნდა იყოს მიღებული კანონი, რომელიც ითხოვს მხოლოდ ერთ რამეს, გამჭვირვალობას. მთელი ამ ხნის განმავლობაში ჩვენ უცხოეთიდან ბევრი განცხადება მოვისმინეთ, თუმცა, ვერ მოვისმინეთ ვერანაირი არგუმენტი, გარდა ერთისა - „იმიტომ“. ახლაც მზად ვართ, თუ ვინმეს უნდა აქვს რაიმე კონკრეტული [პოზიცია] წარმოადგინონ, აღნიშნული კანონი რატომ არის პრობლემური შინაარსობრივად, რატომ, შეიძლება ზოგადად გამჭვირვალობა პრობლემა იყოს, ეწინააღმდეგებოდეს ევროპას, ევროპულ მომავალს და ა.შ. გაუგებარია. თუმცა, ჩვენ წარმოგვიდგინეს 9-პუნქტიანი გეგმა, რომელიც ძალიან მალე, უკვე ზაფხულში დასრულებული და შესრულებული იქნება ყველა პუნქტი და ეს არის იმისთვის, რომ გაიხსნას მოლაპარაკებები. საქართველო ყველაფერს გააკეთებს ამ გზაზე და რა თქმა უნდა, ბურთი იქნება იმათ მხარეს მოლაპარაკებების გახსნასთან დაკავშირებით”, - განაცხადა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი