საქართველოს უმეტეს რაიონში 9-10 ივნისს წვიმა და ელჭექია მოსალოდნელი, შესაძლებელია სეტყვა და ქარიც
გარემოს ეროვნული სააგენტოს ინფორმაციით, დღეს, 9 ივნისს დღის მეორე ნახევრიდან და 10 ივნისს საქართველოს უმეტეს რაიონში დროგამოშვებით ხანმოკლე წვიმა, ზოგან ძლიერი, ელჭექი, შესაძლებელია სეტყვა და ქარის გაძლიერებაა მოსალოდნელი.
მათივე ცნობით, მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).
