მაგდა ბოლოთაშვილი - სავაჭრო პალატა ხელს უწყობს მცირე ბიზნესს ევროკავშირის ბაზარზე პარტნიორების მოძიებაში

საქართველოს სავაჭრო პალატა ხელს უწყობს მცირე ბიზნესს ევროკავშირის ბაზარზე პარტნიორების მოძიებაში, - ამის შესახებ სავაჭრო პალატის გენერალური დირექტორის მოადგილემ, მაგდა ბოლოთაშვილმა მადრიდის პალატაში სიტყვით გამოსვლისას განაცხადა.

სავაჭრო პალატის ინფორმაციით, მადრიდში, საქართველოს სავაჭრო პალატამ მცირე მეწარმეებთან და ბიზნესის მხარდამჭერ ორგანიზაციებთან ერთად მონაწილეობა პროექტის „EU4Business: Connecting Companies (EU4BCC)“ - ფარგლებში გამართულ ღონისძიებებში მიიღო.

მაგდა ბოლოთაშვილმა, მადრიდის სავაჭრო პალატაში სიტყვით გამოსვლისას ისაუბრა, საქართველოსა და ევროკავშირს შორის სავაჭრო ურთიერთობებზე, ექსპორტ-იმპორტის მაჩვენებლებსა და შესაძლებლობებზე. როგორც მან აღნიშნა, მსგავსი პროექტების განხორციელება და გაგრძელება მნიშვნელოვანია, რათა მცირე საწარმოებს ჰქონდეთ მეტი საექსპორტო პოტენციალი ევროპის მიმართულებით.

„სამუშაო ვიზიტის ფარგლებში, შეხვედრები გაიმართა მადრიდისა და ტოლედოს სავაჭრო პალატებთან. ასევე, ექსპორტის მხარდამჭერ ორგანიზაციებთან.

ქართული დელეგაციის წევრები საქართველოს ელჩის მოვალეობის შემსრულებელს, ნატო ჩიქოვანს შეხვდნენ. ელჩმა გამოთქვა მზაობა ესპანეთის ბაზარზე ქართული პროდუქციის პოპულარიზაციის ხელშეწყობისთვის.

სავაჭრო პალატამ, ქართველმა მეწარმეებმა და ბიზნესის მხარდამჭერ ორგანიზაციებმა მონაწილეობა მიიღეს ღვინისა და ბიოპროდუქტების გამოფენა - ORGANIC FOOD IBERIA 2024-ში, სადაც ქართულ მხარეს ჰქონდათ შესაძლებლობა ადგილობრივ მეწარმეებთან და პოტენციურ პარტნიორებთან B2B შეხვედრები გაემართა.

აღნიშნული პროექტი მიზნად ისახავს მდგრად ეკონომიკურ განვითარებას და სამუშაო ადგილების შექმნას აღმოსავლეთ პარტნიორობის ქვეყნებში“, - აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია