„სულაკაურის გამომცემლობის“ რჩეული მასწავლებლების ჯილდოს გამარჯვებულები ცნობილია - ინიციატივის მხარდამჭერია „საქართველოს ბანკი“

ოთხი წელია „სულაკაურის გამომცემლობა“ კამპანიას #მადლობამასწავლებელო ახორციელებს, რომლის მიზანი მასწავლებლების პროფესიის დაფასება და წინ წამოწევაა. ინიციატივის მხარდამჭერია „საქართველოს ბანკი“. პროექტის ფარგლებში, გამომცემლობა ყოველწლიურად რჩეულ მასწავლებლებს ავლენს და მათ სხვადასხვა სახის პრიზებს გადასცემს. ამის შესახებ ინფორმაციას „საქართველოს ბანკი“ ავრცელებს.

მათი ცნობით, კონკურსის ფარგლებში მასწავლებლების შერჩევა სხვადასხვა დამსახურებების მიხედვით ხდება. მათ შორის, ახალგაზრდების მიმართ გამოხატული გამორჩეული ნდობისა და მათი თავისუფალი აზრის დაცვისთვის; მოზარდებისთვის თვითგამოხატვის სივრცეებისა და საშუალებების შექმნისა და თემის გასაძლიერებლად შეუპოვარი ბრძოლისთვის; მოსწავლეების დაუვიწყარ თავგადასავლებში ჩართვისა და მრავალფეროვანი პროფესიული ძიებებისთვის; მასწავლებლის პროფესიის თანამედროვე გააზრებისთვისა და საკლასო ოთახში მოსწავლეებისთვის სიხარულისა და ცოდნის მომტანი ქაოსის მოწყობისთვის.

„2024 წლის მასწავლებლების ჯილდოს ფარგლებში გამარჯვებულთა შორის მოხვდნენ:

თინათინ გაგნიძე, ლევან გოთუას სახელობის ქალაქ რუსთავის მე-17 საჯარო სკოლის მასწავლებელი;

სოფიო ქუხილავა, მესტიის მუნიციპალიტეტის სოფელ წვირმის საჯარო სკოლის მასწავლებელი;

ეკა ქართველიშვილი, ქალაქ ქუთაისის მე-17 საჯარო სკოლის მასწავლებელი;

თამუნა ლაღიძე, თბილისის 161-ე საჯარო სკოლის მასწავლებელი;

ვეფხვია მანია, თბილისის 58-ე საჯარო სკოლისა და ამერიკული საერთაშორისო სკოლა „პროგრესის“ მასწავლებელი;

ელიზა ნიჟარაძე, თბილისის ჟიური შარტავას სახელობის 62-ე საჯაროს სკოლის მასწავლებელი;

თამარ ნათაძე, ქალაქ თბილისის 221-ე და 132-ე საჯაროს სკოლების მასწავლებელი;

მარიამ ჯამდელიანი, მასწავლებელი;

ნიკა ხაჩიძე, ქალაქ თბილისის 21-ე საჯარო სკოლის მასწავლებელი;

მანანა (მიკო) მიქავა, ზუგდიდის მუნიციპალიტეტის სოფელ ონარიის საჯაროს სკოლის მასწავლებელი.

ინიციატივის ფარგლებში, საქართველოს ბანკმა ათივე მასწავლებელს პლანშეტური კომპიუტერი გადასცა“,- წერია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო